აღდგომა

ტოლსტოის მესამე და უკანასკნელი რომანი „აღდგომა” ისევე, როგორც „ანა კარენინა” და „ომი და მშვიდობა”, გამოსვლისთანავე პოპულარული გახდა. რომანი ათი წლის განმავლობაში იწერებოდა და ტოლსტოის ცხოვრების წესის რადიკალური ცვლილებების გამო, მკითხველი გარკვეული შიშითაც კი ელოდა მას. მაგრამ მწერალს არ შეუცვლია ლიტერატურული მრწამსი და ბოლო რომანიც ისეთივე შედევრი აღმოჩნდა, როგორც წინამორბედნი. ადამიანის ბედი, განუკითხაობა და უსიყვარულობა, გულისშემძვრელი ემოციები, მძაფრი და საინტერესო სიუჟეტი და რა თქმა უნდა, პერსონაჟები, რომლებიც დაუვიწყარია. რომანული ხელოვნების დიდი ოსტატი ლევ ტოლსტოის ბოლო შედევრი უბრალო ადამიანებზეა და წიგნიც დაწერილია ტოლსტოის ამ იდეით: „აზრები, რომელთაც უზარმაზარი შედეგი მოსდევს, ყოველთვის უბრალოა”.