სვანური ლეგენდები

„თავისუფალი სვანის“ ფსევდონიმით დაწერილი აღნიშნული სტატიების [სვანური ლეგენდები, ანუ სვანების ამაოდ-მორწმუნებანი] ავტორი ბესარიონ ნიჟარაძე - ქართველი ეთნოლოგი, პუბლიცისტი, სასულიერო პირი და ფოლკლორისტი უნდა იყოს. სხვადასხვა დროს თანამშრომლობდა ჟურნალ-გაზეთებთან: „შრომა“, „დროება“, „ივერია“ და სხვ. წერილები და ნარკვევები, რომლებსაც: თავისუფალი სვანის, ბესარიონ სვანის, თუ სვანის ფსევდონიმით წერდა, ძირითადად სვანეთის ისტორიის, ეთნოგრაფიის, არქეოლოგიის, ფოლკლორის, გეოგრაფიისა და ენის საკითხებს ეხებოდა. მოცემულ კრებულში „სვანური ლეგენდები, ანუ სვანების ამაოდ-მორწმუნებანი“ შესული ტექსტები: ქვეყნის შექმნა; სამოელი; მზე და მთვარე; სეტყვა, ქუხილი, წვიმა და თოვლი; ყვავილი და წითელა; თუშები; თამარ-დედოფალი; ამირანი; როსტომ ჭაბუკი სხვადასხვა დროს, გაზეთ „ივერიაში“ ქვეყნდებოდა.