მკითხველისთვის
გსმენია ისეთ ადამიანებზე, ვინც საშიშ და ცივ სამყაროში სიკეთესა და თავგანწირვას ირჩევს? „კეთილი მწყემსი“ სწორედ ასეთ ადამიანზე გიამბობს.
ეს იმ მწყემსის თავგადასავალია, რომელიც ყოველ ზამთარს თბილ სახლს თმობს, რათა მთაში დაკარგული და მარტოდ დარჩენილი ცხვრები შინ დააბრუნოს. მწყემსს ბენედიქტი ჰქვია და ის მიდის მთაში, ებრძვის სიცივესა და ქარბუქს, რათა ერთი ცხვრის გადარჩენით, სიკეთისადმი ჩემი, შენი და ჩვენი რწმენა გააცოცხლოს.
დიახ, თუ ოდესმე გიფიქრია, რა აზრი აქვს სიკეთის კეთებას, როცა ირგვლივ ამდენი უსამართლობაა, ეს წიგნი დაგეხმარება პასუხის პოვნაში.
ბენედიქტის გადაწყვეტილება, ზამთრის სუსხსა და თოვლში მარტო გაუდგეს გზას, იმის მაგალითია, რომ სიყვარული უპირობო და უანგაროა და არაფერს ითხოვს სანაცვლოდ.
წიგნი იმაზეც მოგიყვება, რომ გმირობა სიმტკიცეში ვლინდება - მაშინ, როცა ადამიანი არჩევანს აკეთებს იმის სასარგებლოდ, რაც სწორად მიაჩნია. გმირებს არ შეუძლიათ გაჩერება, უმოქმედობა და ლოდინი. ისინი შეუპოვარნი არიან მაშინაც, როცა გარეთ დელგმაა, როცა თითქოს გადარჩენის იმედიც კი ქრება, რადგან გრძნობენ, არაფერია სიცოცხლის გადარჩენაზე უფრო მნიშვნელოვანი. ეს არ არის ზღაპრული გამონაგონი, არამედ სავსებით რეალისტური გზავნილია, თუ როგორი ძლიერი შეიძლება იყოს რწმენა და საკუთარი არჩევანის ერთგულება.
იქნებ არ უნდა დაველოდოთ განსაკუთრებულ წამს სიკეთის გასაკეთებლად, იქნებ აქ და ახლაა გმირობის დრო?
ბენედიქტს სჯერა, რომ ყოველ ჩვენგანში შეიძლება ცხოვრობდეს მწყემსი კეთილი. წაიკითხე ეს წიგნი და თავადაც ირწმუნებ.
ჩუქება
