წინათქმა დროის ენერგიის კრებულთა მეათე შემონაქმედის მეშვიდე გამოძახილი, ჩვენი გმირის მცირეწლოვანი ბავშვის ახლად აღმოჩენილი უნართა თვითმყოფადობაა.ბავშვი საკუთარი წადილის ძალისხმევით წარმოშობს ენერგეტიკულ ნაკადებს, რომლის მეშვეობითაც ძალუძს შინაგან-გარეგანი ენერგიების თანწყობილი ურთიერთქმედება განაპირობოს თავად სხეულის გარდასაქმნელად...
ნაწარმოების შესავალში გაეცნობით გროსის მიერ შემთხვევით აღმოჩენილ მიწისქვეშეთის ბინადრებს, აგრეთვე კლდოვანი ფარღიატიდან გამონადენ, განსაკუთრებული უნარების გამხსნელსა და სასწაულმოქმედ შესქელებულ სითხეს. (ქვემოთ მათ შესახებ).
იგივე ქვეშეთის დათვალიერებისას წააწყდება უცნობი მზის სისტემის უდიერი მისიით მოვლინებულ უფიზიკო აბუჩალაკებს.
მათი უდიერობა ეთეროვან სხეულში ჭარბი თავისუფალი რადიკალების არსებობით იყო განპირობებული. დაუწყვილებელი ელექტრონების შემცველობის გამო, მისთვის დამახასიათებელი რეაქციური თვისებათა გამოვლინებით.
საკუთარი ენერგეტიკის გაძლიებით აბუჩალაკები ცდილობენ არადადებითი ნიშნადობით დამუხტონ დედამიწის არეალში (და არა მხოლოდ ჩვენთან) მობინადრე ასტრალური არსებები, რათაარასასურველი გავლენა მოახდინონ თვითოეული სულიერის ბიოველის სიხშირის ცვლაზე.
ჩვენი გმირი ყოველ შესაძლებლობას იყენებს, არა მარტოოდენ აღუდგეს მათ უმგვან ზრახვებს, არამედ ჩვენ არეალში საიდუმლოდ დამუხტული ენერგეტიკული კვანძები გაათავისუფლოს უარყოფითი მუხტებისგან.
ამავე ნაწილში ინტერესის გამოწვევით იკითხება ახლად არჩეული საკანონმდებლო ორგანოს სხდომათა მიმდინარეობის არაჩვეულებრივობა, სამ ათეულ დეპუტატთა მიერ შექმნილი ფრაქცია რაციო ანუ ზედა პალატა,რომელსაც საკანონმდებლო უფლებამოსილებასთან ერთად კანონთა აღმასრულებლის პასუხისმგებლობის ფუნქციაც აქვს დაკისრებული, აგრეთვე ზედა პალატის წევრებს შორის შექმნილი იქნა სამსჯავრო კოლეგია, განსაკუთრებული უფლებამოსილებით...
მერე და მერე ქვეშეთის ხელმეორედ დათვალიერებისას,სადაც უწინ ჩვენი გმირი უცხო ცთომილიდან ჩამოსულ უჩინო ჰუმანოიდებს წააწყდა, იქ აღმოჩენილი შეუდარებელი სითხის გაანალიზებამ აჩვენა, რომ მასში შემცვლელ ნივთიერებებს, რამდენად დაუჯერებლადაც არ უნდა ჟღერდეს შეეძლო დაერთგუნა დაავადების გამომწვევი გენები და ხელი შეეწყო გაახალგაზრდავების თანმიმდევრობით სვლას.
ასევე ჩვენი გმირის შემართებით მიკვლეული იქნა გალაქტიკები, ოღონდ უხილავი, არაორდინარული მახასიათებლებით,არსებობის სახასიათო ფორმით...
მომდევნო ნაწილში ცნობისწადილით იკითხება „მეკონკურერენტთა ფარვატებში” მოქცეული ახალი სადიაგნოზო ხელსაწყოს გამომგონებელი ახალგაზრდა, მედიცინის მეცნიერ-მკვლევარი, რომელმაც დაამზადა მაგნიტურმარიაგირებელი ბურთულა, რხევით სისტემის თვისებებზე დამოკიდებული.
ხელისგულზე მოთავსებისას მისი მაგნიტური რხევები აღწევს ნებისმიერი სიმკვრივის ქსოვილის უჯრედებში და აღრიცხავენ სხვადასხვა ელემენტარული ნაწილაკების მიერ გამოსხივებულ ენერგიის ავკარგიანობას.ჩამწერი მოწყობილობის პლაზმური ეკრანი კი აჩვენებს სად რა მანკიერება აღენიშნებოდა სნეულს. სავალალო ის გახლავთ, რომ მას მეკონკურენტები განგებ უქმნიან ბარიერს მაგნიტური ბურთულის დაპანტენტებისთვის.
რა დავიდარაბებსა და დაბრკოლებების გადალახვა უხდება ჩვენს გმირს, რათა დაეხმაროს ახალგაზრდა მეც.თანამშრომელს თავისი გამოგონება პაციენტის დიაგნოზის დასკვნამდე მიაყვანინოს, ნაწარმოების დასკვნით ნაწილში გაეცნობით.
შემონაქმედი იქმნებოდა წმინდა მიწაზე
ვაჟა პაპიძე
ჩუქება
