წინათქმა "დროის ენერგიის" შესავალ ნაწილში გავეცნობით რიგი მეცნიერების დარგობრივ განხილვებს, სახელდობრ, ბედთან დაკავშირებულ განმსაზღვრელ მახასიათებლებს, ზემოქმედებენ თუ არა ჩვენზე კოსმობიოლოგიური ვიბრაციები, გენებში არსებული, ეგრეთ წოდებული, პროგრამა ან გარშემო განლაგებული საგნები ფენ-შუის (ძველი ჩინური მეთოდის) მიხედვით.
მეცნიერთა კვლევებს თუ დავუჯერებთ, ბედი, მეტწილად, წინასწარ განსაზღვრულია, თუმცა, კორექტირების შესაძლებლობა დასაშვებად მიაჩნიათ. სწორედ ამ თემაზე გვექნება ქვემოთ საუბარი. ამავე ნაწილის საინტერესო საკითხი ფსიქიკის თავისებურებათა განხილვაა... რომ ხშირად დამოკიდებულნი ვართ ვინმეზე ან რამეზე... ლოგიკურად სწორი და მართებული აზრის ჩამოყალიბებას წინააღმდეგობებისა და წარუმატებლობის გარეშე ვერ ვახერხებთ. წინამდებარე წიგნში აღწერილია მათი დაძლევის ხერხების თანმიმდევრობა. გაერკვევით ხელისშემშლელ და არაშემშლელ წინაღობათა პირობებს. ამასთან ერთად, არის შესაძლებლობა, მოვიძიოთ ისეთი კავშირები, რომელთა ბედწილობა სასურველი განცდების მაკავშირებელი იქნება სასურველი განწყობის შესაქმნელად.
ინტერესით იკითხება სურვილთათვის დამახასიათებელი თავისებურებისადმი განპირობებული დამოკიდებულება. სურვილი ყველაფერიაო, -- ამბობენ ფსიქოლოგები. მაშასადამე, თავადვე განვაგებთ ფორტუნას. გეტყვით, რომ მუდმივი უიმედობის განცდის ტარებით ბარიერს ვუქმნით საკუთარ თავს, ხოლო სწორად არჩეული საზრისით ადვილად შეგვეძლება ავარჩიოთ მომავლის აზრი, ვიფიქროთ, რა ხერხით და ძალებით გადავლახოთ ის წინაღობები, რომელიც შეგვხვდება. ქვემოთ მოყვანილი მაგალითები მიგითითებთ, როგორ მოიქცეთ გაურკვეველ ვითარებაში.
შემოგთავაზებთ თვითშთაგონების კონსტრუქციულ მოდელს ცნობიერების სტიმულირებისთვის, რათა სწორად აღიქვათ სინამდვილე; თვითრეალიზაციას; აზროვნების ტრანსფორმირებას საუკეთესო მომავლის გამოსაწვევად; თავდაჯერებას, როგორც მრწამსს, მიზნის მისაღწევად; ლოგიკური დასკვნების გამოტანას გარემო ფაქტორების სამართავად...
გავეცნობით ჩვენი ენერგეტიკული ველის ხარისხის გასაუმჯობესებელ მახასიათებლებს, რომ მისი ავკარგიანობა უშუალო კავშირშია სიცოცხლისუნარიანობასა და საპირადო პირობების გაუმჯობესების პროგრამასთან. ასევე, რატომ არის ენერგოველში არსებულ მერიდიანთა სისტემის თორმეტი არხის სისუფთავე დაკავშირებული სხვადასხვა სფეროში წარმატების მიღწევასთან.
დასკვნით ნაწილში აღწერილია ცნობიერების ენერგეტიკულად გადასვლის იდეა მომავალში და მისი წარმატებუნარიანობის სარგებელი.
შემონაქმედი იქმნებოდა წმინდა მიწაზე
ვაჟა პაპიძე
ჩუქება
