თანამდევი სული (ილია და მისი ეპოქა) II ტომი

"'თანამდევი სული'', ანუ ილია და მისი ეპოქა, რომელიც გასულ წელს გამოიცა, არის გამორჩეული ორტომეული იმ თვალსაზრისით, რომ ავტორი სრულიად ახლებურად გაიაზრებს მე-19 და მე-20 საუკუნეების მოვლენებს და, რაც მთავარია, გვთავაზობს ისეთ დოკუმენტურ წყაროებს, რომელნიც დღემდე უცნობი იყო თვით სპეციალისტებისთვისაც კი. რად ღირს თუნდაც ის ფაქტი, რომ ილიას მკვლელობიდან 104 წლის შემდეგ ავტორმა ახალი წყაროების მოძიებით დაადგინა სრული სიმართლე მკვლელობის დღემდე უცნობ საკითხებთან დაკავშირებით. ამ წიგნით მკითხველი გაიგებს, კონკრეტულად ვინ იყო მკვლელთა ბანდის მეთაური ’’უცნობი იმერელი’’; ვინ იყო შემკვეთი და რომელმა პარტიამ ჩაიდინა საუკუნის დანაშაული. ეს არის სამაგიდო წიგნი ყველასთვის, ვისაც ილია და მისი ეპოქა აინტერესებს იმდროინდელი მსოფლიო მოვლენების კონტექსტში. ამასთან ეს არ არის წიგნი მხოლოდ წარსულზე. მასში დღევანდელ საჭირბოროტო საკითხებს ამოიცნობს მკითხველი. მკითხველთა დიდი ინტერესის დასტური იყო ის ფაქტი, რომ წიგნად გამოსვლამდე მას ბეჭდავდნენ სხვადასხვა ჟურნალ-გაზეთები, ხოლო წიგნად გამოსვლის შემდეგ მასზედ უკვე დაბეჭდილია ათეულობით გამოხმაურება. მოეწყო მისი სატელევიზიო განხილვა. წიგნმა უკვე გაიმარჯვა რამდენიმე კონკურსში და მიიღო ‘’საგურამოს პრემია’’, ‘’ილია ჭავჭავაძის სახელობის პრემია’’, ‘’ჟურნალისტა კავშირის პრემია’’. ’’თანამდევი სული’’ ახალი სიტყვაა ქართულ დოკუმენტურ-ესეისტურ პროზაში. "