წინათქმა
„მსოფლიო თეატრის ისტორიის“ სახელმძღვანელოს გამოცემა ქართულ ენაზე, საქართველოს შოთა რუსთაველის თეატრისა და კინოს სახელმწიფო უნივერსიტეტმა, 2018 წელს დაიწყო. I, II და III ტომებში, სტუდენტებისა და პროფესორ-მასწავლებლებისათვის, მნიშვნელოვანი ისტორიულ-სამეცნიერო ბაზა შეიქმნა.
წინამდებარე სახელმძღვანელო – „მსოფლიო თეატრის ისტორია“ წიგნი IV – ასახავს XIX-XX საუკუნეების (1880-1940) მსოფლიო თეატრში მიმდინარე პროცესებს – დასავლეთ, აღმოსავლეთ ევროპის, აზიის და ამერიკის თეატრების ისტორიას ეგზისტენციალიზმის ეპოქამდე.
სახელმძღვანელოს მიზანია ამ პერიოდის თეატრისა და დრამატურგიის არსობრივი მახასიათებლების, განვითარების, წამყვანი ტენდენციების, მნიშვნელოვანი ნიმუშებისა და მიმდინარეობების, სათეატრო ხელოვნების ძირითადი ფორმებისა და მნიშვნელოვანი მოვლენების, განმსაზღვრელი ნაწარმოებების, ასევე დადგმების, წარმომადგენლების (რეჟისორები, დრამატურგები, სცენოგრაფები, მსახიობები, მკვლევრები და ა.შ.) შესწავლა.
სახელმძღვანელოზე იმუშავეს უნივერსიტეტის პროფესორ-მასწავლებლებმა და მოწვეულმა ექსპერტებმა: მარინე (მაკა) ვასაძემ, მარიამ იაშვილმა, ანუკი კვინიკაძემ, მარიკა მამაცა-შვილმა, თათა მუქერიამ, ლაშა ჩხარტიშვილმა, თამარ ცაგარელმა, მარინა ხარატიშვილმა.
ოთხივე სახელმძღვანელო ქართულ ენაზე მსოფლიო თეატრის ისტორიის კომპლექსური შესწავლის პირველი მცდელობაა. ავტორებმა ნაშრომზე მუშაობისას გამოიყენეს ფილოსოფოსის, თეატრმცოდნის, პროფესორ ელენე თოფურიძის სალექციო კურსი, ასევე სხვა ქართველ და უცხოელ მეცნიერთა კვლევები, თარგმანები, ინეტერნეტრესურსები.
ავტორთა ჯგუფი გააგრძელებს შემდგომ პერიოდებზე მუშაობას და ქართულ ენაზე შექმნის თანამედროვე და უახლესი მსოფლიო თეატრის ისტორიის კიდევ ერთ ტომს.
ჩუქება
