წარმატების კანონი
იფიქრე და გამდიდრდი
ავტორის პირადი განცხადება
ყოველი რკინიგზა, ყოველი ცნობილი საფინანსო ინსტიტუტი, ყოველი უდიდესი საქმიანი საწარმო, ყოველი დიდი გამოგონება - ყოველივე ეს ერთი ადამიანის წარმოსახვაში ჩაისახა.
წარმოსახვა - გონების ისეთი თვისებაა, რომლის კულტივირება, განვითარება, გაძლიერება და გაფართოვება შესაძლებელი არის. ეს რომ ასე არ იყოს, წარმატების თხუთმეტი კანონიდან შემდგარი მოცემული კურსი არასოდეს შეიქმნებოდა იმიტომ, რომ თავდაპირველად ის აწგარდაცვლილი ენდრიუ კარნეგის შემთხვევითი შენიშვნის წყალობით ავტორის წარმოსახვაში ჩაისახა.
„წარმატების კანონის“ კურსის მიზანია - გაგაგებინოთ თქვენ, თუ როგორ უნდა გახდეთ უფრო უნარიანი თქვენს მიერ შერჩეული საქმიანობის სფეროში. ამ მიზნით თქვენ თქვენი მონაცემების გაანალიზება, შეფასება და კლასიფიცირება უნდა მოახდინოთ, რათა ისინი რაც შეიძლება უკეთესად გამოიყენოთ.
ეს კურსი - ასზე მეტი ცნობილი ამერიკელის ცხოვრებისა და მოღვაწეობის გულმოდგინე ანალიზის შედეგია, რომლებმაც თავიანთ საქმეში უდიდეს წარმატებას მიაღწიეს. ავტორი ოც წელიწადზე მეტ ხანს აგროვებდა, ცდიდა, კლასიფიცირებას ახდენდა და აყალიბებდა მასალას იმ თხუთმეტი კანონისათვის, რომლებზეც დაფუძნებული არის ეს კურსი. ზოგიერთი იმ ადამიანთაგანი, რომელთა ცხოვრება ჩემთვის სამაგალითო გახდა, უკვე გარდაცვლილია, მაგრამ მათ, ვინც ცოცხალია, ავტორი გულწრფელ მადლობას უხდის იმ დახმარებისთვის, რომლის გარეშეც ეს კურსი არასოდეს შეიქმნებოდა. ამ ადამიანთა უმრავლესობას ავტორი პირადად სწავლობდა ახლო მანძილიდან. ბევრ მათგანთან ის მეგობრობდა და დღემდე მეგობრობს, სხვაგვარად ის ვერ მოახერხებდა საჭირო ფაქტების შეგროვებას. ეს ადამიანები ამერიკული ბიზნესის, ფინანსების, მრეწველობის და ვაჭრობის საძირკველს, საფუძველს, ჩონჩხს შეადგენენ. „წარმატების კანონი“ იმ ფილოსოფიისა და მოქმედების წესების რეზიუმირებას ახდენს, რომლებმაც ყოველ ამ ადამიანთაგანს მათ მიერ შერჩეულ საქმიანობაში უდიდესი გავლენის მიღწევის საშუალება მისცა.
კურსის შემსწავლელმა არ უნდა იჩქაროს განსჯა, სანამ ყველა თექვსმეტ გაკვეთილს არ გაივლის. ის, ვინც კურსის შესწავლას „გახსნილი“ გონებით შეუდგება და მთელი სწავლის განმავლობაში შეეცდება მის შენარჩუნებას, ცხოვრებაზე უფრო ფართო და ზუსტი შეხედულების შეძენით დაჯილდოვდება.
ჩუქება
