სტრატეგია

მარტივად შექმნილი სტრატეგია

 

 

„თუ არ შეგიძლიათ თქვენი იდეის დაწერა სავიზიტო ბარა- თის მეორე მხარეს, თქვენ არ გაქვთ იდეა“

 

 

მოქმედების ადგილი:

საერთაშორისო კოსმეტიკური კომპანია,

შეხვედრების ოთახი...

შეხვედრის მიზეზი:

პრობლემა ახალი შამპუნის გაყიდვასთან დაკავშირებით...

შეხვედრის შედეგი:

?????

 

მთელი დღის დამქანცველი და ხმაურიანი შეხვედრის დასასრულს საკონფერენციო ოთახი სავსეა მიმოფანტული ფურცლებითა და ცარიელი ბოთლებით. მაგიდასთან ჯერ კიდევ შემორჩნენ კამათის, ერთმანეთთან არაცივილიზებული ენით ლაპარაკითა და ყვირილით დაღლილი R&D-ისა და მარკეტინგის განყოფილებების ხელმძღვანელები. ფინანსური დირექტორი სიგიჟის ზღვარზეა... ახალი შამპუნის გამოშვებასთან დაკავშირებით კი შეთანხმებას მაინც ვერ მიაღწიეს... შეხვედრა გადაიდო... ხალხმა დაშლა დაიწყო...

ყველასთვის მოულოდნელად, ოთახის კარი კომპანიის ახალგაზრდა კონსულტანტმა შემოაღო:

 „ქალბატონებო და ბატონებო, მე მაქვს იდეა, რომელიც ახალი შამპუნის გაყიდვებს გააორმაგებს. გინდ დაიჯერეთ, გინდ არა, მაგრამ ჩემი იდეა შედგება მხოლოდ ერთი სიტყვისგან და შემიძლია 30 000$-ად გაგიმხილოთ.“

რა ხდება? ამდენმა ხალხმა მთელი დღის განმავლობაში ღირებული ვერაფერი მოიფიქრა და ახლა უნდა გადაიხადონ 30 000 $ ერთ სიტყვაში, შეიძლება სულაც რაღაც სისულელეში?

ბუნებრივია, წინააღმდეგობამ მაშინვე იჩინა თავი,  მაგრამ რადგან საკითხის გადაწყვეტა უკვე რამდენიმე კვირა იწელებოდა, შემოთავაზებას მალე ყველა დათანხმდა.

„აი, ჩემი იდეა _ წარმოთქვა კონსულტანტმა. _  თქვენ რა თქმა უნდა, იცით ინსტრუქცია, რომელიც თან ერთვის შამპუნს. მე გთავაზობთ, რომ მას გამოკვეთილად დავუმატოთ მხოლოდ ერთი სიტყვა _ „გაიმეორეთ!“ გარწმუნებთ, ეს უზრუნველყოფს შამპუნის არაერთჯერად გამოყენებას და საგრძნობლად გაზრდის გაყიდვის მოცულობას“...