ავტორის უწყება ნორთენგერის სააბატოს შესახებ ეს მცირე ნაშრომი 1803 წელს დასრულდა, რათა დაუყოვნებლივ გამოქვეყნებულიყო. ის გადაეცა წიგნის გამყიდველს, ფართო საზოგადოებასაც ეუწყა, თუმცა ამ საქმეს წინსვლა არ ჰქონდა და ამის მიზეზი ავტორმა ვერა და ვერ შეიტყო. რად დასჭირდა წიგნებით მოვაჭრეს ღირსად ჩაეთვალა იმის შესყიდვა, რის გამოქვეყნებასაც არ ღირსყოფდა, ცოტა უცნაურად მეჩვენება. თუმცა, ამასთანავე, არც ავტორსა და არც მკითხველს სხვა ინტერესი არ ექნება, გარდა იმისა, რომ აუცილებელია აზრის გამოთქმა ნაწარმოების იმ ნაწილზე, რაც ცამეტმა წელიწადმა შედარებით დრომოჭმულად წარმოაჩინა. მკითხველს ვემუდარები, მხედველობაში მიიღოს, რომ ცამეტი წელი გავიდა ამ ნაწარმოების დასრულებიდან და კიდევ უფრო მეტი მას შემდეგ, რაც მის წერას შევუდექი, და ისიც, რომ მთელი ამ ხნის განმავლობაში ადგილები, ხასიათები, წიგნები და თვალსაზრისები საგრძნობლად შეიცვალა.
ჩუქება
