ილია მეორე

სასულიერო სემინარიის სტუდენტები

2014 წელი | ენერჯი ჯგუფი

რელიგია

9,015 ნახვა

(0 რეცენზია /7 შეფასება)

მსურს წავიკითხო

ჩემი რჩეული

ყიდვა

ჩუქება

ანოტაცია

სრულიად საქართველოს კათალიკოს პატრიარქი, უწმინდესი და უნეტარესი ილია მეორე საქართველოს ეკლესიის საჭეთმპყრობელი და ერის მამაა, რომელიც ცოცხალი წმინდანის სახით მოევლინა საქართველოს და ქართველ ხალხს. მამა გიორგის ლოცვა-კურთხევით შეიქმნა მოკლე, მაგრამ მრავლისმომცემი წიგნი (ელექტრონული სახით), რომელშიც გადმოცემული იქნება პატრიარქის განვლილი გზა, ახალგაზრდობიდან დღევანდელ დღემდე, მისი მივიწყებული ცხოვრებისეული დეტალები, ასევე ძირითადი მოწოდებანი და რჩევა-დარიგებანი მრავალწლოვანი ქადაგებებიდან, რაც მიმართულია მხოლოდ და მხოლოდ თითოეული ადამიანის შინაგანი განმტკიცებისა და პატრიოტული სულისკვეთების ამაღლებისაკენ. (შემოსული თანხა მოხმარდება ქველმოქმედებას)

ვრცლად

რეკომენდებული ელ. წიგნები

დაწვრილებით ელ. წიგნის შესახებ

ელ. წიგნის მახასიათებლები

სათაური:

ილია მეორე

ავტორი:

სასულიერო სემინარიის სტუდენტები

გამომცემელი:

ენერჯი ჯგუფი

გამოცემის თარიღი:

2014

გვერდები:

კატეგორია:

რელიგია

ნახვები:

9015

რეიტინგი:

მკითხველთა რეცენზია

საშუალო შეფასება

(7) რეცენზია

რეიტინგის განაწილება

5

[7]
4

[0]
3

[0]
2

[0]
1

[0]

წიგნის შესახებ

ილია მეორე

სასულიერო სემინარიის სტუდენტები

9015 ნახვა

წასაკითხი

რჩეული

1 ლარი

ყიდვა

სარჩევი

ყდა
ილია მეორე
სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის მიერ წარმოთქმული სიტყვა სვეტიცხოველში, აღსაყდრების დღეს
უცხოელი მამები ჩვენს პატრიარქზე
საახალწლო ეპისტოლე - 1982
ილია მეორე ბოლო ჟამზე
სიყვარული ყველას სჭირდება
ძლევაშემოსილსა, საკვირველთმოქმედსა, ბოროტის დამთრგუნველსა, დიდსა მოწამესა, წმიდასა ნათელ გიორგის

ილია მეორე

უწმიდესი და უნეტარესი, სრულიად საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთის, ილია II

1933 წლის 4 იანვარს, ქალაქ ვლადიკავკაზში, გიორგი სიმონის ძე ღუდუშაური-შიოლაშვილისა და ნატალია იოსების ასულ კობაიძის კეთილმორწმუნე ოჯახში დაიბადა ილია (ერისკაცობაში ირაკლი) ღუდუშაურ-შიოლაშვილი. ღუდუშაურთა გვარი ძველი დროიდან მოდის. ვახტანგ გორგასლის დროს ბრძოლაში თავი გამოუჩენია ვინმე სნოს. მეფეს მისი ვაჟი მოუნათლავს და ღუდუშაური დაურქმევია, ბავშვის სახელზე კი ციხე აუშენებია.
ღუდუშაურები ხევში ცხოვრობდნენ და სახელოვანი ვაჟკაცნი იყვნენ. სიმამაცით გამორჩეული ყოფილა შიოლა ღუდუშაური. სწორედ მისი შთამომავალია სრულიად საქართველოს კათოლიკოს-პატრიარქი, უწმიდესი და უნეტარესი ილია II.
შიოლა ღუდუშაური VII საუკუნის დასაწყისში ცხოვრობდა. იგი ყოფილა მფლობელი ღუდუშაურთა ხეობისა, რომელშიც შედიოდა აჩხოტი და რამდენიმე სოფელი: სნო, ახალციხე, კარკუჩა და მთელი ხეობა.
შიოლა ღუდუშაურის სახელი რომ დარჩენილიყო, მისი პირდაპირი შთამომავლობიდან ზოგიერთმა შიოლაშვილების გვარი მიიღო.
არსებობს გადმოცემა, რომ შიოლა ღუდუშაურის დედა ბაგრატიონი იყო - სამეფო სახლიდან და მას „ მეფიანთ ქალს “ ეძახდნენ. არსებობს აგრეთვე ცნობები ღუდუშაურებისა და ვაჟა-ფშაველას ნათესაობის შესახებ.
პატრიარქის ნათლიები იყვნენ: არქიმანდრიტი ტარასი (კანდელაკი) და მონაზონი ზოილე (დვალიშვილი). დედა ზოილეს პატარა ირაკლი სამთავროს მონასტერში ხშირად დაჰყავდა, სადაც მაშინდელი კათოლიკოს-პატრიარქი კალისტრატე ცინცაძისგან, სამი წლის ირაკლის ლოცვა-კურთხევა მიუღია.
1957 წლის 16 აპრილს, სასულიერო აკადემიის II კურსის სტუდენტი, 24 წლის ირაკლი შიოლაშვილი, სრულიად საქართველოს კათოლიკოს-პატრიარქის მელქისედეკ III-ის ლოცვა-კურთხევით, თბილისის ალექსანდრე ნეველის ტაძარში ბერად აღიკვეცა და სახელად წმიდა ილია წინასწარმეტყველის პატივსაცემად ილია ეწოდა. ბერად აღკვეცის საიდუმლო შეასრულა ეპისკოპოსმა ზინობიმ.
1960 წელს დაამთავრა მოსკოვის სასულიერო აკადემია პირველი ხარისხის დიპლომით, სადაც მეოთხე კურსზე დაწერა საკანდიდატო შრომა: „ ათონის ივერიის მონასტრის ისტორია “ , — რისთვისაც მიენიჭა ღვთისმეტყველების კანდიდატის სამეცნიერო ხარისხი. რის შემდეგაც აკადემიის საბჭომ საპროფესორო სტიპენდიანტად დარჩენა შესთავაზა და სთხოვეს, გაეგრძელებინა სამეცნიერო მოღვაწეობა, მას საშუალება ეძლეოდა, ლექციები წაეკითხა სასულიერო სემინარიასა და აკადემიაში, მაგრამ უწმინდესისა და უნეტარესის ეფრემ II-ის კურთხევა სხვაგვარი იყო: მღვდელმონაზონ ილიას სამშობლოში უნდა დაეწყო მოღვაწეობა. მან უარი თქვა საპატიო კარიერაზე, სამშობლოში დაბრუნდა და დაინიშნა მღვდელმსახურად ბათუმის საკათედრო ტაძარში.
ერთგული მოღვაწეობისათვის მომავალი პატრიარქი 1960 წლის 19 დეკემბერს აღყვანილ იღუმენის ხარისხში. შემდეგ კი 1961 წლის 16 სექტემბერს არქმინადრიტის ხარისხში.
1961 წელს, ხრუშჩოვის მმართველობის პერიოდში, როცა რუსეთში ხუთი სემინარია, მრავალი ტაძარი და მონასტერი დაიხურა, უწმიდესმა და უნეტარესმა ეფრემ II-მ საქართველოში სასულიერო სასწავლებლის გახსნა მოახერხა, რომელსაც, მეტი სიფრთხილისათვის, „ საღვთისმეტყველო კურსები “ დაარქვეს. სწორედ ამ „ საღვთისმეტყველო კურსების “ პირველ რექტორად დაინიშნა არქიმანდრიტი ილია. 1963 წლიდან 1972 წლამდე, იგი იყო მცხეთის სასულიერო სემინარიის (იმ დროისათვის ერთადერთი სასულიერო სასწავლებლის) პირველი რექტორი. ამავდროულად იგი მოღვაწეობდა ქართული ეკლესიის მღვდელმსახურთა ახალი კადრების მომზადების სფეროში.
1963 წლის 26 აგვისტოს სრულიად საქართველოს კათოლიკოს-პატრიარქის, უწმიდესისა და უნეტარესის ეფრემ II-ის მიერ საქართველოს ეკლესიის მღვდელმთავართა თანამწირველობით, არქიმადრიტი ილია ხელდასხმულ დაინიშნა კათოლიკოს-პატრიარქის ქორეპისკოპოსად.
1967 წელს, აჭარაში შვიდი წლის მოღვაწეობის შემდეგ, პარტიარქის ლოცვა-კურთხევით, ცხუმ-აფხაზეთის ეპისკოპოსად გადაიყვანეს.
1969 წელს, აღყვანილ იქნა მიტროპოლიტის ხარისხში. მიტროპოლიტმა ილიამ სოხუმში 11 წელი დაჰყო. 1973 წელს ჯილდოდ მიიღო მეორე პანაღიის ტარების უფლება, ხოლო 1975 წელს
უფლება სკუფიაზე ჯვრისტარებისა.

სრულიად საქართველოს კათოლიკოს-პატრიარქის ილია II ქადაგებებიდან

* * *
იოანე ღვთისმეტყველი სახარებაში ამბობს: „ ღმერთი სიყვარული არს “ , და მე ვფიქრობ, არავის გამოუთქვამს უფლის ამაზე უფრო ზუსტი სახელწოდება. მართლაც, ღმერთი არის სათავე სიყვარულისა და სადაც სიყვარულია, იქ სიხარულია, იქ მშვიდობაა.