კივის კულტურა - აქტინიდია

გული ცეკვავა დაიბადა 1936 წლის 10 ივნისს ქ. სენაკში. იგი არის სოფლის მეურნეობის მეცნიერებათა დოქტორი, საქართველოს ეკოლოგიურ მეცნიერებათა აკადემიის წევრ-კორესპონდენტი, ჯუმბერ ლეჟავას სახელობის საერთაშორისო აკადემიის წევრი, ფაზისის საერო აკადემიის აკადემიკოსი, სოლიდარული პასუხისმგებლობის სამეცნიერო ასოციაცია "ლაზიკის" დამაარსებელი და ვიცე-პრეზიდენტი. გამოჩენილ მეცნიერ ფილიპე მამფორიასთან ერთად მუშაობდა სადისერტაციო თემაზე, რომელიც წარმატებით დაიცვა 1975 წელს და მიენიჭა სოფლის მეურნეობის მეცნიერებათა კანდიდატის სამეცნიერო ხარისხი. ნაშრომში ასახულია კივის წარმოშობასთან, გავრცელებასთან, ბიოლოგიასთან, აგროტექნიკასთან, ნაყოფების კრეფასთან, შენახვასა და გადამუშავებასთან დაკავშირებული საკითხები, რომლებიც გადმოცემულია მსოფლიო პრესის ლიტერატურულ წყაროებში. აგრეთვე ავტორის საკუთარი შთაბეჭდილებანი და გამოცდილება. ნაშრომი განკუთვნილია სოფლის მეურნეობის სპეციალისტების, სასოფლო-სამეურნეო, სასწავლო დაწესებულებათა მასწავლებლებისა და სტუდენტებისთვის, კოოპერატორებისა და მოყვარული მებაღეებისთვის, საქართველოში კივის კულტურის გავრცელების მიზნით.