ჰიბრიდული ომების ანატომია

თქვენ წინაშეა ქართულ ენაზე შექმნილი პირველი სახელმძღვანელო ჰიბრიდული ომის, მისი ყოველი კომპონენტის, ძირითადი გამოწვევების, შესაძლებლობებისა და შეჩერების მეთოდების შესახებ. წიგნი სხვადასხვა თეორიული მასალის ანალიზისა და პრაქტიკული მაგალითების სინთეზით წარმოგიდგენთ არსებულ რეალობას და მომავლის გამოწვევებს. სახელმძღვანელოში მნიშვნელოვანი ადგილი ეთმობა მეორე მსოფლიო ომის შემდგომი საერთაშორისო წესრიგის განხილვას, მათ შორის, ომისა და მშვიდობის საერთაშორისო-სამართლებრივ რეჟიმსა და მის ხარვეზებს, მსოფლიო თანამეგობრობის მიერ მიღებული გადაწყვეტილებების აღსრულების შესაძლებლობებსა და ნაკლოვანებებს, რომლებიც ასუსტებს და ლეგიტიმაციას უკარგავს საერთაშორისო სამართლებრივ სისტემას. შესაბამის თავებში დეტალურად განვიხილავთ გაეროს, ნატოსა და ევროკავშირის როლსა და ადგილს, ასევე, თანამედროვე გამოწვევებთან მათი ადაპტაციის უნარს. წინამდებარე სახელმძღვანელო არის პირველი მცდელობა, ერთ წიგნში მოგვეყარა თავი დარგის როგორც სამოქალაქო, ასევე სამხედრო ექსპერტებისთვის და მკითხველისთვის ჰიბრიდული ომის მრავალმხრივი განხილვისა და ანალიზის შესაძლებლობა მიგვეცა. იმედს ვიტოვებთ, წიგნი მნიშვნელოვან საგანმანათლებლო რესურსად იქცევა და, იმავდროულად, საინტერესოდ საკითხავი აღმოჩნდება ფართო მკითხველისთვის.