სურათი მეოთხე
(მოქმედება ხდება თბილისის ერთ-ერთ ქუჩაში.
მოქმედი პირებია: ლაშა-გიორგი (გადაცმული) და ხალხი)
ლაშა-გიორგი (თავისთვის)
რამდენი ხარი და აქლემია,
აჰა, აუდის ვაჭრობას დუღი.
პირველი სირაჯი
აქეთ მობრძანდით ჩემო ბატონო,
დააგემოვნეთ კახური ღვინო,
ოჯალეში გსურთ თუ საფერავი?
უმალ დაგისხამთ თუკი მოგვცემთ ფულს.
მეორე სირაჯი ( პირველს )
წუხელ ვივაჭრე საუკეთესოდ,
ღვინო გავყიდე სავსე ჩაფებით,
ვიღაც ბიბილა მომკვდარა თურმე
და ქელეხისთვის მიჰქონდთ ღვინო.
პირველი სირაჯი ( მეორეს )
მე კი მხოლოდღა ის მოვახერხე,
რომ ვერ ვიშორებ ლოთებს დუქნიდან,
თუ კი არ ასმევ სულ მცირედ ღვინოს,
დაგილეწავენ ჭურჭელს სრულიად.
როსკიპები
ო, რა ლამაზი კაცი დის ჩვენ წინ,
მომსახურება არ გსურს ძვირფასო?
ამ კაბის მიღმა ლანდი რომ დაკრთის,
სულ არ გიჩქაბეს ჰორმონს უაზროდ?
ლაშა-გიორგი
აი, აიღეთ ეს ქისა ჩემგან,
მაგრამ არ მინდა მომსახურება,
გაძლევთ იმიტომ, რომ თქვენი საქმით,
ამ დღის შემდეგ აღარ ისაქმოთ.
როსკიპები
რა კეთილი ხართ ჩემო ბატონო,
ალბათ ბრძანდებით ღმერთ შემოსილი,
რამდენი ხანიც გვეყოფა ფული,
იმდენი ხანი არ ვართ როსკიპნი.
მათხოვრები
ჩვენ რასვაშავებთ კეთილო კაცო?
იქნება ჩვენაც მოგვცე თუნდ მწირად ფული.
ლაშა-გიორგი
აი აიღეთ თქვენც უპოვარნო. (და უყრის ფულს)
მათხოვრები
უფალი შეგეწიოთ,
უფალი შეგეწიოთ.
პირველი მოქალაქე ( მეორეს )
აქვე არის ჯადოქრები,
წარმოდგენებს, რომ მართავენ,
თუ შეგროვდა დღესაც ფული,
თოჯინებით წარმართავენ,
რაც კი არის ჯადოსნური,
ფეერია, სასწაული.
მეორე მოქალაქე ( პირვლს )
გართობა, მართლაც არ გვაწყენდა,
მხიარულება, ჩვენს სამეფოში დღენაკლულობს,
როცა არ ვიცით, თუ მოგვეცემა ახალი შანსი ბედნიერების,
რომ მივიღოთ ამ წამებში რაც კი გვაკლია.
გამყიდველი
აქეთ მობრძანდით, ეს აქლემები,
დატვირთულია სპარსული ძღვენით,
გვაქვს ხალიჩების ყველა ზომები,
სელის, მატყლის და ბამბეულის,
თუ ისურვებთ სურათებით,
ათასგავარი მაქმანებით,
აბა სწრაფად დაიტაცეთ,
ვის სურს? რატომ არ იღებთ ხმას?
ისევ გვერდს ნუ ამივლით აქ,
ოხ, ყველას სურს დღეს გართობა,
ვაჭრობისთვის არვინ იცდის,
იქნებ ხვალინდელმა დილამ,
მომცეს მცირე ჯამაგირი.
( ლაშა-გიორგი და ხალხი თავს იყრის
ჯადოქრებად წოდებულ ხალხთან ერთად
და იწყება წარმოდგენა )
პირველი ჯადოქარი
ბრძანებს ღმერთი დიონისე,
ასწიეთო მაღლით თასი,
თუ სატრფოს გულს ვერ მოიგებთ,
მაშ ღვინის სმით ირთეთ თავი.
ჩამოასხით ღვინო ბევრი,
რომ სიმთვრალით შეპყრობილნი,
გახდეთ შმაგნი და სულელნი,
რომ ცხოვრება იგემოთ კვლავ,
ჩვენ ჩვენ საქმეს, მარად საქნელს,
თითო სიტყვით ვიქმენთ ამბებს,
რაც კი მოგფენთ თქვენ დღეს ნათელს,
აწმყოს ხილვა თუ გაამებთ.
მეორე ჯადოქარი ( გამოაქვს მარიონეტი)
გამარჯობა ქვეშევრდომნო,
ვარ გიორგი ლაშარელი,
მაქვს სამეფო მე იმგვარი,
ხალხი ცხოვრობს მეტის ლხენით,
როს სიხარულს იწვნევს ყველა,
მეც მახარებს მათი ბედი,
მაგრამ როცა მე ვიხარებ,
ნუთუ ხარობს ამით სხვებიც?
ტარიელს, რომ ქმნიდა შოთა,
არ ვიცოდი, თუ იცოდა,
ვეფხის ნაღდი ტყაოსანი,
რეალურად გაჩნდებოდა.
აი, აქ ვარ ტარიელი,
მამაცი და მშვენიერი,
სიყვარული მაქვს მის მიმართ,
ვისაც უყვარს ჩემი ერი.
ხალხი
დიდება მეფეს, დიდება მამას!
პირველი ჯადოქარი (გამოაქვს მეორე მარიონეტი)
ასე რისთვის იდებ მაგ თავს?
ხომ ხარ ახლა ჩემი მსხვერპლი?
უვიცი ვარ, უპოვარი,
მაგრამ მეფის ვარ მპყრობელი.
მესამე ჯადოქარი (გამოაქვს მესამე მარიონეტი)
თუ გგონიათ, თქვენ სიყვარულს,
უწერია გაგრძელება,
აი ჩემი გრძელი წვერი,
აღარ შემრჩეს სახეზედა,
მაშ ეტიკეტს არღვევთ ბრიყვნო?
მას ვერაფრით ვერ შეგინდობთ.
მეორე ჯადოქარი ( პირველი მარიონეტით)
ეტიკეტი, ეს უბრალო და საშიში სათქმელია,
ჩვენ არ ვიღწვით იმისათვის,
რომ წავბილწოთ ქართლის ტახტი,
სიყვარული აღგვაზევებს, როგორც იტყვის რუსთაველი,
ნეტა ხალხი რაღას იტყვის, თუ გამიგეს საქციელი?
ხალხი
მეფევ ძვირფასო, შენ გაგიმარჯოს,
არ სდევ სხვების აზრს, უბრალოდ გიყვარს.
პირველი ჯადოქარი
მაშ სიყვარული მშვენიერია?
დალიეთ ღვინო, დამთავრდა ის რაც,
გულს ასე გითბობთ,
გაშორებთ ტალახს,
ეს ცხოვრება ხომ...
მეორე ჯადოქარი
ო, კვლავ გამოჩნდნენ,
ეტიფანეს მსახურები,
გავიქცეთ სწრაფად,
თორემ გვიჭერენ.
(გარბიან)
პირველი ჯაშუში
სასჯელს იცილებს ყველა თავიდან,
დანაშაული კი ყველას ხიბლავს,
მაგრამ სად წახვალთ, ჟამი ხომ ჟამობს,
უკან მომყევით ჯარისკაცებო,
უწმინდურება ერთად ავლაგმოთ.
(გადიან)
ჩუქება
