შუასაუკუნეების საიდუმლო საზოგადოებები და რაინდული ორდენები

ესა თუ ის საიდუმლო საზოგადოება ეფუძნება გარკვეულ პრინციპებს, ცოდნას, ნაგროვებ გამოცდილებას, წესდებას, საერთო მიზნებსა და ამოცანებს. შესაბამისად, ყოველი ასეთი საზოგადოება ერთმანეთისგან განსხვავდება, მიუხედავად იმისა, რომ შესაძლოა საერთო თვისებებიც და გადაკვეთის წერტილებიც ჰქონდეთ. ხშირად, მაგრამ არა ყოველთვის, ასეთი საზოგადოებები თანამშრომლობენ, ერთმანეთისგან „სწავლობენ“ და შესაძლოა ერთიანდებოდნენ, აერთიანებდნენ მათ ტრადიციებს, ცოდნასა და შესაძლებლობებს. საიდუმლოების ფარდა მათ საქმიანობას უფარავს სხვა ადამიანებს, ვინც არ არის ამ ექსკლუზიური ორგანიზაციების, საძმოების, ორდენების, ა.შ. წევრები. ეს ხშირად იწვევდა და იწვევს გარკვეულ გაღიზიანებას, განსაკუთრებით ციფრული ტექნოლოგიების განვითარების პერიოდში. ამასთან, „გაღიზიანების დონე“ ეფუძნება ამ ადამიანების ზოგად განათლებულობას, ერუდირებას, ინტელექტსა და სოციალურ მდგომარეობას.