კანდიდატი ჯოყოლა
მოქმედი პირები
ჯოყოლა ქისტაური - მთავარი გმირი
არდა აჩბა - აფხაზი ქალი
ნიკა იხვაშვილი - ტელეწამყვანი
თოკო ბერია - ტელეწამყვანი
კუკალა - საინფორმაციო გადაცემის დირექტორი
გიორგი არეული - ეროვნულ-სოციალური მოძრაობის გენერალური მდივანი
დანიელ კუკინი - პიარის განყოფილების უფროსი
ვანესსა - ჯოყოლას ამერიკელი ცოლი
ანნა - ქეთევანი და მაქსიმილიანი-ვალერიანი-ჯოყოლას ტყუპი შვილები
ცუცა - ჯოყოლას ზესტაფონელი დედა
ვალიკო - ჯოყოლას თბილისელი აკარდეონისტი მამა
ნუგზარი - ჯოყოლას ძმა
ომარი - ჯოყოლას ბავშვობის მეგობარი
გივი პირველი - ჯოყოლას სტუდენტობის მეგობარი
გივი მეორე - ჯოყოლას მეგობარი
გივი მესამე - ჯოყოლას შორეული ნათესავი
გივი მეოთხე - ჯოყოლას მეზობელი
სცენა პირველი
სცენა განლაგებულია კერძო ტელეკომპანიის სტუდიაში. სტუდიაში ზის ორი წამყვანი და მათ წინ დევს ტელემონიტორი. წამყვანები თავისუფალ პოზაში სავარძლებში არიან მოთავსებული. მათ უკან დიდი მონიტორია მოთავსებული. ეს პირადპირი ჩართვებისთვისაა. სტუდიაში გადაცემის დაყების წინა ფუსფუსია. წამყვანები მიკროფონებს ირგებენ და პრარალერულად გრიმს ისწორებენ. სამი ოპერატორი პოზიციებს იარჩევს მათ გასასაღებად. ნიკა და თიკო ბოლო სამზადისს გადიან.
ნიკა:
ყავა სად არის, ამის დედა ვატირე! რამდენჯერ უნდა გითხრათ პირი მიშრება მეთქი!
სტუდიაში ჩოჩქოლი ატყდება და მოკლეკაბიანი გოგო მყისვე მიურბენინებს ყავით სავეს ჭიქას.
ნიკა:
მესამე დღეა პირი მიშრება, ამდენი მუშაობა და ამდენი სტრესი არ გამიგია. მალე ალბათ სისხლიც გამიშრება.
თიკო:
ფენაზეპამი არ გინდა? ორი კაკალი მაქვს.
ნიკა:
მაიტა ერთი იქნებ ცოტა მაინც დამაწყნაროს!
თიკო ჩანთას ამოიღებს თავისი სავარძლის უკნიდან და იქიდან ამოღებულ წამალს ნიკას გადააწოდებს. ნიკა უცებ მიაყოლებს წამალს ყავას.
ნიკა:
ამდენს ვმუშაობთ, დღე და ღამე აქ ვართ, ამის დედა ვატირე. რეიტინგიც ამხელა აქვს ამ დედარღნიან შოუს და ერთი ორასი დოლარი მაინც მოგვიმატოს უფროსმა.
თიკო:
არ ვიცი, ხო გვარდება და...
ნიკა:
გვარდება გრამაფონშია. თან იძახის საქველმოქმედო ორგანიზაცია კი არ ვართო. აი, ნახე ერთი წელი ისე გავიდეს, ვირებივით გვამუშაოს და კაპიკი არ მოგვიმატოს.
თიკო:
კაი, ნიკუშ, დაწყნარდი, ათ წუთში ეთერში ვართ. მოწესრიგდი და ისევ ისეთი ვარსკვლავი გახდი.
ნიკა:
ვარსკვლავი არა ტოროლა! ამ ცხოვრების, ამ ძაღლური ცხოვრების დედაც ვატირე.
ნიკუშას ყვირილზე სტუდიაში რედაქტორი შემოვარდა.
რედაქტორი:
რა ხდება, ხალხნო, მთლად დაქლიავდით?! ხუთ წუთში ეთერში ხართ. რა არს ეს?!
ნიკა:
ბოდიში, ხო იცი ეს ყვირილი ეთერის წინ მშველის და ადრენალინს მაძლევს. მორჩა ჩემი ყვირილი და გინება.
რედაქტორი გადის სტუდიიდან.
ნიკა:
ტექსტი გახსოვს?
თიკო:
ისე, რა...
ნიკა:
ბიჭო, ამხელა ტექსტი არც ერთ პროექტში არ მქონია. თან ხუთი გადაცემაა. ეს ფარული კამერის პონტი. ყველაფერი თავში მერევა.
თიკო:
ნუ გეშინია, დაგილაგდება როგორც ყოველთვის.
ნიკა:
შენ პირს შაქარი, შენ ძუძუებს სიტკბო. შენი კონსერვატიული სექსუალური ტანი რო არ მაწყნარებდეს ვერც ერთ შოუს ვე წავიყვანდი, ხო იცი.
თიკო:
კაი ნუ გაახურე ნიკუშ. ერთ წუთზე ნაკლები რჩება.
რედაქტორის ხმა
მოემზადეთ. თხუთმეტ წამში ნიუსი შემოდის პირველ კამერაზე. სიჩუმე სტუდიაში.
ნიკა და თიკო საბოლოოდ ემზადებიან. უკანა მონიტორზე ნიუსი ირთვება, სადაც დიქტორი კუკალა ახალ ინფორმაციას გადასცემს.
კუკალა:
ჩვენი საინფორმაციო გამოშვება დასასრულს მიუახლოვდა. მაგრამ უნდა გითხრათ, რომ რეკლამის შედეგ ტრიუმფალური ხალხის ტელევიზია მეტად საინტერესო პროექტს გთავაზობთ. ომარ მაგელიშვილის "ჯოყოლა ქისტური გზა" მოგითხრობთ მეტად საინტერესო ისტორიას ქართული პოლიტიკის მოკაშკაშე ვარსკვლავის ცხოვრების აქამდე უცნობ დეტალებზე. ხუთ ერთსაათიან გადაცემაში საშუალება გექნებათ მთლიანად ნახოთ მისი ცხოვრებისა და კარიერის მნიშვნელოვანი ეტაპები. ამ პროექტს ომართან ერთად ნიკა იხვაშვილი და თიკო ბერია გაგვაცნობენ. რას ეტყოდით მაყურებელს სანამ თქვენი არაჩვეულებრივად საინტერესო შოუ სტარტზე გავიდოდეს.
ნიკა:
ჩუქება
