რუპერტ მერდოკი. News Corp

სერიის – „ბიზნესის გენია“ – ამ ტომში მოთხრობილია კომპანია NEWS CORPORATION-ის დამფუძნებელ რუპერტ მერდოკის შესახებ. „თავდაჯერებული და ჭირვეული ახალგაზრდა, რომელიც მუდამ გაზეთების გამოცემაზე ფიქრობდა“, – ასე იხსენებენ მას ბავშვობის მეგობრები. რუპერტ მერდოკს რედაქციის გარეშე ცხოვრება ვერ წარმოედგინა, მან გადაწყვიტა, მედიასფეროში ეცადა ბედი – ჯერ გაზეთის რიგითი თანამშრომელი იყო, დღეს კი მედიაიმპერიის მფლობელია. წარმატებისკენ მიმავალი გზა რთული და დამღლელი აღმოჩნდა – გაუთავებელი სასამართლო პროცესები, მეგობრებისა და კოლეგების ღალატი; თუმცა „საშინელ მერდოკს“ წინ ვერაფერი აღუდგა. „გახდი საუკეთესო შენს საქმეში და არც ძალაუფლება მოგაკლდება, არც – ქონება“, – ამბობს რუპერტ მერდოკი. „გამომცემლობა პალიტრა L“ გთავაზობთ წიგნების სერიას – „ბიზნესის გენია“. სერიის თითოეულ წიგნში გაეცნობით მსოფლიოში ცნობილ საქმიან ადამიანებს, რომლებმაც ბიზნესის სხვადასხვა სფეროში გადატრიალება მოახდინეს... მათ შეცვალეს შეხედულებები, ტექნოლოგიები, დანერგეს ინოვაციური პროდუქტები. თუ რა გზა განვლეს და როგორ მიაღწიეს ტრიუმფს – ყველაფერს დაწვრილებით გაეცნობით ამ სერიის წიგნებში... შეიტყობთ მათი წარმატების საიდუმლოებას და, შესაძლოა, იგი თქვენი წარმატების საწინდარიც გახდეს.