საქართველოს იურიდიული ფირმების ასოციაციის ჟურნალი #1

ანთოლოგია *

2016 წელი | ზვიად კორძაძის გამომცემლობა

იურიდიული ლიტ. | უფასო

5,110 ნახვა

(0 რეცენზია /2 შეფასება)

მსურს წავიკითხო

ჩემი რჩეული

ყიდვა

ანოტაცია

ჟურნალი წარმოადგენს ა(ა)იპ - საქართველოს იურიდიული ფირმების ასოციაციის (სიფა) პირველ გამოცემას, სადაც საუბარია ასოციაციის მიერ განხორციელებულ პროექტებსა და სამომავლო პერსპექტივებზე. ჟურნალში ნახავთ ინფორმაციას სიფას მიერ ორგანიზებული საგანმანათლებოლო ღონისძიებებისა და საჯარო შეხვედრების, კონფერენციების შესახებ; ჟურნალში წარმოდგენილია იურიდიული სტაჟირების კონცეფცია, საქართველოს სამოქალაქო საპროცესო კოდექსის ცვლილებების პროექტი, კვლევა და რეკომენდაციები სისხლის სამართლის საპროცესო კოდექსში მხარეთა შეჯიბრებითობის და თანასწორობის უზრუნველყოფისათვის და ა.შ. ასევე, წარმოდგენილია სოლომონ მეორის მიერ ჯრუჭის მონასტრისათვის მიცემული ყმა-მამულის წყალობის სიგელი. სამეცნიერო სტატიების რუბრიკაში წარმოდგენილია შემდგი ავტორების ნაშრომები: ნინო ბოგვერაძე - 1958 წლის ნიუ იორკის კონვენციის V(1)(ე) მუხლი: სასამართლოს დისკრეცია თუ ვალდებულება?; დავით ტაბატაძე - გამოსაყენებელი სამართალი და კომპეტენტური სასამართლოს განსაზღვრა ელექტრონული ხელშეკრულებით; ბექა ინჯია - „გამჭოლი პასუხისმგებლობის“ დოქტრინის თავისებურებები არბიტრაჟში; ჟურნალი გამოდის კვარტალში ერთხელ.

ვრცლად

რეკომენდებული ელ. წიგნები

დაწვრილებით ელ. წიგნის შესახებ

ელ. წიგნის მახასიათებლები

სათაური:

საქართველოს იურიდიული ფირმების ასოციაციის ჟურნალი #1

ავტორი:

ანთოლოგია *

გამომცემელი:

ზვიად კორძაძის გამომცემლობა

გამოცემის თარიღი:

2016

კატეგორია:

იურიდიული ლიტ.

ნახვები:

5110

რეიტინგი:

მკითხველთა რეცენზია

საშუალო შეფასება

(2) რეცენზია

რეიტინგის განაწილება

5

[2]
4

[0]
3

[0]
2

[0]
1

[0]

წიგნის შესახებ

საქართველოს იურიდიული ფირმების ასოციაციის ჟურნალი #1

ანთოლოგია *

5110 ნახვა

წასაკითხი

რჩეული

0 ლარი

ყიდვა

სარჩევი

ყდა
საგანმანათლებლო ღონისძიებები
საჯარო შეხვედრები / კონფერენციები
პრო ბონო
სტაჟირების კონცეფცია
კორპორატიული ეთიკა
საკანონმდებლო ცვლილებების პროექტი
განხორციელებული პროექტები / გამოცემები
მიმდინარე პროექტები
ნინო ბოგვერაძე - 1958 წლის ნიუ იორკის კონვენციის V(1)(ე) მუხლი: სასამართლოს დისკრეცია თუ ვალდებულება?
დავით ტაბატაძე: გამოსაყენებელი სამართლის და კომპეტენტური სასამართლოს განსაზღვრა ელექტრონული ხელშეკრულებით
ბექა ინჯია - „გამჭოლი პასუხისმგებლობის“ დოქტრინის თავისებურებები არბიტრაჟში
ადვოკატთა კლუბი
სქოლიო

საგანმანათლებლო ღონისძიებები იურიდიული პროფესიის განვითარებისა და ადვოკატთა კვალიფიკაციის ამაღლების მიზნით საქართველოს იურიდიული ფირმების ასოციაცია თავისი წევრი ადვოკატებისათვის ყოველწლიურად მართავს სხვადასხვა ტიპის საგანმანათლებლო ღონისძიებებს. სიფა-ს წევრ ადვოკატებს შესაძლებლობა აქვთ დაესწრონ და მონაწილეობა მიიღონ ტრენინგებში, სემინარებსა თუ კონფერენციებში. სიფა ამ კუთხით აქტიურად თანამშრომლობს, როგორც ადგილობრივ, ისე საერთაშორისო ორგანიზაციებთან და საქართველოს ადვოკატთა ასოციაციასთან.
საქართველოს იურიდიული ფირმების ასოციაციას 2015 წლის ოქტომბერში საქართველოს ადვოკატთა ასოციაციის მიერ მიენიჭა ინსტიტუციური აკრედიტაცია, რაც ნიშნავს, რომ მომდევნო სამი წლის განმავლობაში სიფა-ს მიერ დაგეგმილ ღონისძიებაში სიფა-ს წევრი ადვოკატის მონაწილეობა ავტომატურად იქნება აკრედიტებული საქართველოს ადვოკატთა ასოციაციის მიერ.

წერილობითი კონკურსი სტუდენტებისთვის

2015 წლის 10 მარტს, საქართველოს იურიდიული ფირმების ასოციაციასა და ქართულ-ნორვეგიული კანონის უზენაესობის ასოციაციას შორის დადებული ურთიერთთანამშრომლობის მემორანდუმის ფარგლებში, სიფა-მ გამოაცხადა წერილობითი კონკურსი სტუდენტებისთვის. კონკურსი მიმდინარეობდა სამი თვის განმავლობაში. 2015 წლის 29 მაისს გამოვლინდა წერილობითი კონკურსის გამარჯვებული, ჯემალ გრძელიშვილი. გამარჯვებულმა გაიარა 3 თვიანი სტაჟირება „ კორძაძის საადვოკატო ბიუროში “ და გაემგზავრა ინსტიტუციური სასწავლო ვიზიტით ნორვეგიაში, სადაც მოინახულა და მიიღო ინფორმაცია სასამართლოს, ადმინისტრაციული ორგანოებისა და პროკურატორის მუშაობის შესახებ. სიფა განაგრძობს აქტიურ თანამშრომლობას ქართულ-ნორვეგიული კანონის უზენაესობის ასოციაცასთან.

ტრენინგი გადახდისუუნარობის საქმის წარმოების აქტუალურ საკითხებზე

სიფა-ს ადვოკატები აქტიურად მუშაობენ გადახდისუუნარობის კანონმდებლობის დახვეწაზე. ასოციაციის ფარგლებში არსებულმა გადახდისუუნარობის სამართლის რეფორმის სამუშაო ჯგუფმა სათანადო შეფასება მისცა მსოფლიო ბანკის მიერ ჩატარებული ბიზნესის წარმოების სიმარტივის ყოველწლიური კვლევის შედეგებს დაკავშირებულს საქართველოსთან.

ასოციაცია ხაზს უსვამს, რომ ეფექტური საქმისწარმოების სისტემის დანერგვა ხელს შეუწყობს ეკონომიკის გაჯანსაღებას, გაკოტრებული კომპანიების ბაზრიდან გასვლას და კომპანიების დიდი ნაწილის რეაბილიტაციას.
2015 წლის 17-18 აპრილს, სასტუმრო „ თბილისი მარიოტში “ , ამერიკის შეერთებული შტატების სახელმწიფო დეპარტამენტის კომერციული სამართლის განვითარების პროგრამამ (CLDP) სიფა-ს ადვოკატებისთვის ჩაატარა ორდღიანი ტრენინგი გადახდისუუნარობის სამართალში.
ტრენინგებს უძღვებოდნენ ამერიკელი და ევროპელი ექსპერტები. სასემინარო მუშაობისას ადვოკატები გაეცნენ გადახდისუუნარობის კანონდებლობაში არსებულ უახლეს ტენდენციებსა და განვითარებას, ყურადღება გამახვილდა რეაბილიტაციის პროცესსა და ამ პროცესში მონაწილე პირების რისკებზე, აშშ-ის და ევროპულ გადახდისუუნარობის კანონდებლობასა და მოდელურ კანონზე.
სიფა ამ საკითხზე განაგრძობს აქტიურ თანამშრომლობaს საქართველოს იუსტიციის სამინისტროსთან და USAID-ის პროექტ G4G-სთან.

ტრენინგი ევროკავშირის კონკურენციის სამართალში

2015 წლის 5 ივნისს, საასტუმრო თბილისი მარიოტში, სიფა-ს წევრ იურიდიული კომპანიის ადვოკატებს ჩაუტარდათ ტრენინგი ევროკავშირის კონკურენციის სამართალში. ტრენინგს ხელმძღვანელობდა, ცნობილი ექსპერტი, ბრიუსელის უნივერსიტეტის პროფესორი და საერთაშორისო იურიდიულ ფირმა “ კონტრასტი ” -ს მმართველი პარტნიორი ფილიპ ტუიტსხაივერი.

ტრენინგზე განხილული იყო საკითხები, როგორიცაა ევროკავშირის და ევროკომისიის როლი და მიმართვის პროცედურა, კონკურენციის სამართლის არსი, საქმეების გამოძიების დაწყების პროცესი, რა უფლებამოსილება გააჩნია ევროკომისიას, რას მოიცავს ვერტიკალური და ჰორიზონტალური შეთანხმებები, კარტელური შეთანხმებები, ბაზარზე დომინანტური პოზიციის კომპანიების გამოვლენის კრიტერიუმები; მტკიცების ტვირთის გადანაწილება კონკურენციის სამართლის საქმეებზე სასამართლოში და კომპანიისთვის დაკისრებული სანქციების გამოთვლის წესი ევროკავშირის მართლმსაჯულების სასამართლოს მიერ.

ტრენინგი სახელშეკრულებო და დელიქტური მოთხოვნების სისტემა სამოქალაქო კოდექსის მიხედვით

2015 წლის, 28 ივლისს, საქართველოს იურიდიული ფირმების ასოციაციამ (სიფა) საქართველოს ადვოკატთა ასოციაციის სასწავლო ცენტრთან თანამშრომლობით და გერმანიის საერთაშორისო თანამშრომლობის (GIZ) მხარდაჭერით ჩაატარა ტრენინგი თემაზე „ სახელშეკრულებო და დელიქტური მოთხოვნების სისტემა სამოქალაქო კოდექსის მიხედვით “ .

ტრენინგს უძღვებოდნენ გიორგი ბათლიძე, იურიდიული ფირმების ასოციაციის წევრი კომპანია BLC-ის პარტნიორი და გიორგი ვაშაკიძე, იურიდიული განათლების სპეციალისტი. ტრენინგზე განხილული იყო ისეთი საკითხები როგორიცაა, მეორადი სახელშეკრულებო მოთხოვნების სისტემა სამოქალაქო სამართალში, ზიანის ანაზღაურება გულისხმიერების ვალდებულების დარღვევისათვის, ვადის გადაცილებისათვის და შესრულების სანაცვლოდ. ტრენერებმა ყურადღება გაამახვილეს ხელშეკრულებიდან გასვლის, მოშლის და შეწყვეტის სამართლებრივ ინსტიტუტებს შორის განსხვავებაზე. ტრენერებმა ასევე მიმოიხილეს დელიქტური სამართლის ადგილი ვალდებულებით სამართლის სისტემაში, დელიქტური ზიანის ანაზღაურების მოთხოვნის საფუძვლები და გენერალური დელიქტის შემადგენლობა. განხილულ იქნა აგრეთვე ევროპული დელიქტური სისტემები.

ტრენინგი ინტელექტუალური საკუთრების სამართალში