ბოლოს იყო სიტყვა

2113 წელი, ახალგაზრდა დემნა ციციშვილი სიკვდილის წინ კოსმოსში გადასახლებულ მამას ეცნობა და მთელ თავის განვლილ ცხოვრებას უყვება, რათა მისი ისტორია ახალი სამყაროს ახალი ადამიანებისთვის დავიწყებას არ მიეცეს. მამა-შვილის პირველ და უკანასკნელ დიალოგში იშლება თბილისის პრეაპოკალიპტური ისტორია, სადაც ყველაფერი მეცნიერულ ბაზისზე დაფუძნებული რელიგიით იმართება. ჯაბა ზარქუა მკითხველს პირველად 2011 წელს გაეცნო სადებიუტო კრებულით „ვარმშტადული პარადოქსი“, 2012 წელს კი მისი პირველი რომანი „მკითხველი უნდა მოკვდეს“ გამოიცა, რომელსაც ილიას სახელმწიფო უნივერსიტეტის ლიტერატურული კონკურსის მთავარი პრიზი გადაეცა წლის საუკეთესო ქართული რომანისთვის. ხუთწლიანი პაუზის შემდეგ ზარქუა მკითხველს ახალი რომანით დაუბრუნდა, რომელიც ერთ უწყვეტ, გაბმულ დიალოგს წარმოადგენს.