შესავალი წიგნი ეხება ერთი გოგონას ისტორიას, რომლის ცხოვრებაც დასაწყისში ჩვეულებრივად, მოსაწყენად მიმდინარეობდა. ერთ დღესაც ყველაფერი შეიცვალა. მისი ცხოვრება სავსე გახდა შიშით, ხიფათით, დრამით, სიყვარულით, მისტიკითა და თავგადასავლებით. ბევრი ადამიანი განიცდის უკმაყოფილებას, არასრულყოფილების გრძნობას იმის გამო, რომ არ ჰქონდა საკმარისი დრო ცხოვრებაში იმის მისაღებად, რაც სურდა. შესაძლებლობები _ აი რა გვაკლია ყველაზე მეტად. წარმოვიდგინოთ, რომ მოგვეცა ბევრი დრო და შანსი, რომ მივიღოთ ის, რაც გვინდა. ამას მოჰყვება შემდეგი კითხვები: რამდენად სწორად გამოვიყენებდით ამ დროს; მივიღებდით იმას, რაც გვინდა; იქნებოდა ეს დრო ოდესმე საკმარისი; ვიგრძნობდით კმაყოფილებასა და სრულყოფილებას; მივიღებდით იმ ბედნიერებას, რომელზეც მთელი ცხოვრების განმავლობაში ვოცნებობთ და ის, რაზეც ვოცნებობთ, იყო თუ არა ის, რაც რეალურად გვინდოდა და გვჭირდებოდა; მივიღებდით იმ უამრავ კითხვაზე პასუხს, რაც მთელი ცხოვრების განმავლობაში გვაწუხებს, თუ უფრო დიდ გაურკვევლობაში აღმოვჩნდებოდით?! კარგი იქნებოდა ამ კითხვებზე პასუხის გაცემის შესაძლებლობა მაინც რომ გვქონოდა. მკითხველს სავარაუდოდ დააინტერესებს, რისი თქმა სურს ავტორს ამ წიგნით, ამის გარკვევა თქვენთვის მომინდია. ერთ რამეს კი დაზუსტებით გეტყვით, ამ წიგნის კითხვისას ვერ მოიწყენთ, რადგან საინტერესო და აღმაფრთოვანებელ ისტორიას იხილავთ.
ჩუქება
