შობა

ცხოვრებაში ბევრი დაბრკოლებები შეიძლება შეგხვდეს. მანქანით თხრილში გადავარდე, სახლის სახურავიდან ჩამოვარდე და ფეხი მოიტეხო, კიბო გაგიჩნდეს და ტკივილით დაიტანჯო, ან კიდევ დაკარგო ყველაზე ახლობელი ადამიანები ერთმანეთის მიყოლებით. ცხოვრება ბრძოლაა, კეთილისა და ბოროტის ბრძოლა. თუ სიკეთეს აკეთებ და ცდილობ ხალხს დაეხმარო, ბოროტება გაიძულებს თავისკენ მოგაქციოს და გებრძვის ყველანაირად. ბოროტებას არ აქვს სხეული, შეუძლია ნებისმიერი სახის მიღება და ისეთი არ არის როგორიც წარმოგვიდგენია: კუპრივით შავი, თავზე რქებითა და ხელში სამკბილა ჩანგლით. ბოროტება ყველას გულში ბუდობს, სადაც შეიძლება ოცნებით დატკბე და კარგად იცხოვრო, ასევე იმ ოცნებებში რომ მსოფლიო შეცვალო შეიძლება ბოროტება უკან მოგყვება, ყველგან შენთან არის და შესაფერის მომენტს ელოდება, რომ დაგამარცხოს. თავისკენ გადაგიბიროს ან მოგკლას. ერთი სიტყვით გზიდან მოგიშოროს, რომ შენი ჩანაფიქრის განხორციელება ვერ შეძლო, როგორც არ უნდა გინდოდეს. უნდა იდგე მყარად, არ იძვროდე. რწმენა უნდა გქონდეს იმისა, რომ ვერავინ შეძლებს შენს დამარცხებას და ეს მართლაც ასე იქნება. მოთხრობა არის კაცზე, რომელმაც გადაწყვიტა ამერიკიდან ჩამოსულიყო საქართველოში და მოენახულებინა ის. დაეთვალიერებინა ყველაფერი, მაგრამ მანამდე ერთი დიდი წვეულების გამართვა ჰქონდა დაგეგმილი ბათუმში. მან წინასწარ შეუკვეთა ბილეთები თვითმფრინავის და წინასწარ იყიდა ბათუმში სახლი. წაიკითხეთ და ნახეთ რა შთაბეჭდილებებს მოახდენს უცხოელზე საქართველო. როგორი იქნება მის თვალწინ ის სუფრა, სტუმართმოყვარეობა რომელიც ჩვენ ვიცით და ჩვენი ტრადიციები. თუმცა მოხდება ერთი რამ, გაუთვალისწინებელი რამ, რასაც არ მოელოდა და რამაც ის სიგიჟის ზღვარზე მიიყვანა.