წინასიტყვაობა ეს წიგნი და საერთოდ ჩემი ნოველები არ გამოქვეყნდებოდა, რომ არა ჩემი მეგობრის, Alberto Cecchin-ის, შეგულიანება. თეთრ ღვინოს ვსვამდით მასთან ტერა საზე და პეიზაჟს ვუყურებდით. მაშინ წავუკითხე ჩემი რომანი, რომელიც მოგვიანებით იტალიაში გამოიცა. არაფერი დიდი წარმატება რომანს არ ჰქონია, მაგრამ მე სიმამაცე მომეცა, დავძლიე სირცხვილის გრძნობა და დავიწყე გამოქვეყნება სოციალურ ქსელში. აქ უკვე იმოქმედა გია კაპანაძის (ექიმისა და იშვიათი ინტელექტუალის) შექებამ. ის, ჩემი თხოვნით, ნაწერებსაც მისწორებდა. წინა წიგნის გამოცემასა და რედაქტირებაში დამეხმარა მწერალი და ლიტერატორი მანანა დუმბაძე. თანამედროვეობის საუკეთესო ქართველმა პოეტმა და ჰუმანისტმა გაგა ნახუცრიშვილმა ითავა (ჩემი თხოვნის გარეშე) და გამომცემლებს შესთავაზა ჩემი ნოველები. გამომცემლობა "ინტელექტი" და მისი მებ რძოლი სულის ხელმძღვანელი ზვიად კვარაცხელია დაითანხმა გაგამ. ამას გარდა, ძალიან ბევრმა მკით ხველმა შემაგულიანა კომენტარებითა და მოწონებით, რისთვისაც გაუთავებელ მადლობას ვუხდი მათ! ჩემი ნოველები აგებულია რეალურ მოვლენებზე. მე უბრალოდ ჩემი სტილით აღვწერ. მოქმედების ადგილია პატარა ქალაქი ფელტრე, რომელიც ჯერ კიდევ რომაელებმა ააგეს, შემდეგ შუა საუკუნეებში განვითარდა და ამის შემდეგ არაფერი აშენებულა ახალი. ფელტრე მდებარეობს ალპების წინა ქედის ულამაზესი დოლომიტების ძირას, რომელსაც საღამოობით ვენეციიდან მომავალი ნიავი ეფინება თავს.
∿ – ეს სასვენი ნიშანი მე მოვიგონე, რაც გაურკვეველ მომართვას ნიშნავს, როდესაც ვერ ხვდები, კითხვით მოგმართავს ადამიანი თუ გიბრძანებს. ასეთი ფორმით სვამენ კითხვას, როდესაც დაბადების წელს გეკითხებიან სახელმწიფო უწყებაში უმეტყველო სახით: "დაბადების წელი".
გისურვებთ სასიამოვნო კითხვას წითელი ღვინის თანხლებით.
ALAKIN
ჩუქება
