ძველი რვეულებიდან
არავითარი ქრონოლოგია – სხვადასხვა რვეულებში გაბნეული გადმოვწერე.
ვწერ როგორც არის, – შენიშვნების სახით.
* * *
თქვენ მე ვერ მიპოვით ბზარს (როდესაც მე დარწმუნებული ვაკონკრეტებ სათქმელს), ვერსაიდან შემომეღვრებით, ისეა აგებული ჩემი სათქმელის რაობა, ვერ მიეწებებით, მიემატებით, ვერ შეიჭრებით; ვერ პოულობთ ნაწიბურს, რომელიც მისი გადახსნის საშუალებას მოგცემდათ; მთლიან-სხლტომადია, ორგანულობით შერწყმული ობიექტურობასთან. იგი არავითარი (ადამიანური) მიზნით არ არის ნათქვამი, გარდა იმისა, რომ ემსახურება თავისთავს, თავის გარდუვალ ობიექტურ ჭეშმარიტიანობას (არა, ისე თქმა ყველაფრის შეგიძლიათ, წარმოსახვითი დაფშვნა, მაგრამ, გასაგებია, ეს სინამდვილის შესაბამისი არ იქნება).
ჩუქება
