მგელი

1                                             მ     გ     ე     ლ     ი  
 
 
 
                            ზურა!!       ზურაა! --- გამოდი ერთი წუთით.   გაისმა ჭიშკრიდან მახოს ძახილი.
                              ზურამ   საათს დახედა. დილის 8 საათი სრულდებოდა. სწრაფად ჩაიცვა და მახოს გასძახა,
                          ----რა გარედან იძახი, ვერ შემოხვალ?   პასუხს არ დალოდებია, ეზო გადაჭრა და ჭიშკარს მიადგა.
                          --რა მოხდა, ხომ მშვიდობაა, ობეხეესი ხომ არ დაგეცა ამ დილაუთენია, თუ გამოგაგდეს სახლიდან.
                            --ბიჭო ჩემი ძროხა არ მოვიდა გუშინ. ღამე კი ვეძებე, მაგრამ ვერსად მივაკვლიე. გამომყევი რა, მარტო დავიღალე, ხმის გამცემი მაინც მეყოლება გვერდით. --თოფი გაისწორა მხარზე მიხომ.
                            --სად უნდა წასულიყო ტყეში იქნება სადმე. ეხლავე მოვალ, ერთი ფეხზე გამოვიცვლი.
                            გაზაფხულის ლამაზი დღე გათენებულიყო. ტყე მწვანედ იმოსებოდა და ახლადგაღვიძებული ბუნების საოცარი სურნელი იდგა გარშემო.
                              აღმართს შეუყვნენ. ---ზაზასაც გავუაროთ, რას აკეთებს სახლში. ორნახადიც წამოვიღე და ძროხას რომ ვიპოვით ჩავუჯდეთ სადმე წყაროსთან. დაარღვია სიჩუმე ზურამ.
                              ზაზა ეზოში დახვდათ, საქათმეს კარებს უმაგრებდა. ცოტა ხნის შემდეგ   სამივენი სოფელს გასცდნენ და საურმე გზით ტყისკენ აიღეს გეზი.
                              გასული საუკუნის 70-იანი წლების მეორე ნახევარი იწურებოდა. კომუნისტები ხალხს ახალი გამარჯვებებისკენ მოუწოდებდნენ. ლამის იყო ყოველ ხეზე   მიეკრათ პარტიის სადიდებელი ლოზუნგები. ამდენი წლის შემდეგ რომ გადავხედოთ იმ დროს, ალბათ ერთ-ერთი ბედნიერი ხანა იდგა იმ დროინდელი ახალგაზრდებისათვის.
                            სამივე ტოლები იყვნენ. სკოლაც ერთად დაამთავრეს და ჯარიც ერთად მოიარეს, ოღონდ სხვადასხვა ნაწილებში და საბჭოთა კავშირის სხვადასხვა კუთხეში.
                          მახომ ცოლი ადრე მოიყვანა და მისი ბიჭი აგერ უკვე 4წლის ხდებოდა. ზაზას ახალი მოყვანილი ჰყავდა. ერთი ზურა იყო უცოლო და ჯერ-ჯერობით არც შერჩეული ჰყავდა ვინმე. სამივე განუყრელი მეგობრები იყვნენ და როგორც იტყვიან პურს არ ტეხდნენ უერთმანეთოდ.
                          ზურამ ორივეს გადახედა---რა იყო მამონტებზე მიდიხართ სანადიროთ ეს თოფები რომ გადაგიკიდებიათ, თუ ლეკიანობა დაიწყო.
                          --შენ ცელი უნდა წამოგეღო, გეგმა აქვს კოლმეურნეობას შესასრულებელი.--არ დარჩა ვალში ზაზა.
                          --მაგ უბედურს თოფი სიზმარშიც არ აქვს ნანახი. ჯარშიც ავტომატის მაგივრად   ბარი ეჭირა ხელში. „ სტროიბატ “ --ასწია მაღლა თითი მახომ.
                          -- „ სტრობატ “ , და მაგის ეზოში დღესაც ბატები მწკრივში დადიან. --გააგრძელა ზაზამ.
                          --ჰო, ჰო, კაი ახლა, თქვენ ხომ თითომ 10-10 შპიონი დაიჭირეთ და ტელევიზორში გამოგაცხადათ ბრეჟნევმა-- თანაც დაამატა, ესენი რომ არ მყავდეს რა მეშველებოდაო.---გაეპასუხა ზურა.