მოდი, მოდი, გაზაფხულო კომედია ორ მოქმედებად
მოქმედი პირნი:
ქაქუცა – – – – – – – – ემიგრანტი საფრანგეთიდან
სერიოჟა – – – – – – – – სოფლის მკვიდრი
ევტიხი – – – – – – – – – ; – – – „
ქსენია – – – – – – – – – ევტიხის მეუღლე
მერიკა – – – – – – – – – სერიოჟას მეუღლე
მაგული – – – – – – – – სოფლის მკვიდრი
სერგია – – – – – – – – – ; – – – ;
შალიკო – – – – – – – – ; – – – ;
ლადო – – – – – – – – – ; – – – ;
ვალია – – – – – – – – – ; – – – ;
ნიკოლოზი – – – – – ; – – – ;
ასლანი – – – – – – – ; – – – ;
სოსო – – – – – – – – – ; – – – ;
ხატალია – – – – – – – ; – – – ;
სცენა წარმოადგენს გურულ ოდას დიდი ეზოთი. თენდება. ისმის მამლის ყივილის ხმა. სცენაზე ბარბაცით შემოდიან სოსო და სერიოჟა, რომელიც ანთებული ჭრაქით იკვლევს გზას.
სოსო – – – – მოვედით უკვე.
სერიოჟა – – რას ნიშნავს, რომ ამბობ, მოვედითო? რავა, ვიყავით სადმე თუ?
სოსო – – – – გადამრევს ეს კაცი. მე არა, მარა შენ ხომ იყავი ტყეში?
სერიოჟა – – კი ვიყავი.
სოსო – – – – – თუ გახსოვს, რას აკეთებდი იქ?
სერიოჟა – – მაგი რავა არ მახსოვს.
სოსო – – – – ჰოდა, დააჭირე ენას კბილი. /უქრობს ჭრაქს/ გაახილე თვალები და მიიხედ – მოიხედე ირგვლივ. თუ გეცნობა აქაურობა?
სერიოჟა – – არ ვიცი.
სოსო – – – რა არ იცი, ბიჯო? ეს შენი სახლია. ის ნალიაა. აგი...შენსავით მყრალი ხეა. მე მე ვარ. შენ, თუ დამიჯერებ, სერიოჟა ხარ ისევ. ხომ გეყურება ჩემი?
სერიოჟა – – კი, კი. ტვინში მჭირს რაცხა, თვარა...ყურები წესრიგში მაქვს.
სოსო – – – – ჰოდა, ნამეტანი კარგი. ტვინი მაინც არ გჭირდება არაფერში. გინდ გქონია და,.. გინდ არა. პირს ხომ არ ჩამოიბანდი? მთლად გაჭვარტლული გაქვს ბეჟენცივით. წეღან საკუთარმა ძაღლმაც ვერ გიცნო.
სერიოჟა – – მერე ვიზამ მაგას. არ მცალია ახლა მაგისთვის. ძაღლმა კი არა, ჩემო სოსო, ნეტა საკუთარმა ცოლმაც ვერ მიცნოს.
სოსო – – – – ოოო. მაგ მხრივ ნამდვილად მძიმე სურათია. ისე, რადგანაც შიში გაქვს ცოლის, ესე იგი, ტვინიც გიმუშავებს. ჰოდა, რაღა გინდა მეტი?..
სერიოჟა – – შენ მე მთლად აბდალი ხომ არ გგონივარ?
სოსო – – – – მთლად არა, მარა... კი ხარ, პაწეს მეტი.
სერიოჟა – – კარგი პურმარილი გქონდა, კარგი. ღვინოც ბედაური იყო. გაფიცებ, ყველაფერს, არ დამიმალო. თუ იყო სუფრაზე...ბაყაყი?
სოსო – – – – ბაყაყიო?..
სერიოჟა – – კი. ჩვენებური გომბეშო. თუ იცი, ქაქუცას რომ უყვარს? კეცზე შემწვარიაო, ნამეტანი გემრიელი.
სოსო – – – – მაგი, მე კი არა, მთელმა სოფელმა იცის. იმიტომაა, ღამღამობით ბაყაყების ხმა რომ აღარ ისმის. რომელიც დაიჭირა, სადღაა უკვე. გადარჩენილები...კრინტს აღარ ძრავენ შიშით.
სერიოჟა – – უჰ, თუ იცი, სოსია, რაზე მწყდება გული? ისე რაფერ უნდა მოვკვდე, ეგ კაცი რომ არ გამოვათვრო ჩვენებურად.
სოსო – – – – მაგას, შენ კი არა, ვერავინ ვერ იზამს.
სერიოჟა – –
