ბედნიერების გეოგრაფია ეს წიგნი ისეთი უძველესი სიბრძნითაა გაჯერებული, როგორიც თვით კაცობრიობის კულტურაა და მასში ჩვენ თვის საოცნებო აწმყოსა და მომავლის ფორმირების გასაღები ძევს.
როდესაც მისი დაწერა გადავწყვიტეთ, ჩვენი წიგნები უკვე სამოცზე მეტ ენაზე თარგმნილი და მთელს მსოფლიოში ნომერ პირველ ბესთსელერებად აღიარებული იყო. იკიგაის ფენომენის ყველაზე თანამედროვე ფაზა ინდოეთშია, სადაც ჩვენი წიგნი უკვე ორი წელია ყველაზე კარგად იყიდება, რამაც სულიერების აკვანში, ინდოეთის სუბკონ ტინენტზე მოგზაურობის, საუბრის, ფესტივალებზე დას წრების და ინტერვიუების მიცემის სურვილი აღგვიძრა.
კეთილი მკითხველები, როლებსაც მოგზაურობისას შევხვდით, გარდა იმისა, რომ გვეუბნებოდნენ, თუ რას ნიშნავდა მათთვის ჩვენი ნაშრომი, ხშირად გვეკითხებოდნენ, თუ რატომ არ ვწერდით წიგნს, რომელიც ინდური სიბ რძნით იქნებოდა შთაგონებული.
ყოველ ჯერზე, როცა ამ შესაძლებლობაზე ვსაუბრობდით, მიგვაჩნდა, რომ ეს უზარმაზარი, ამბიციური და ამაღელვებელი ამოცანა იყო. ინდოეთი ის ქვეყანა არ გახ ლავთ, სადაც მხოლოდ ახალგაზრდა, აქტიური და მომავ ლის მოუთმენლად შემყურე ხალხი ცხოვრობს, არამედ მთელს პლანეტაზე უდიდესი დემოკრატიის მქონე ქვეყანაცაა. ის იმ უძველესი და დიდებული ტრადიციების სახლია, რომლებმაც კაცობრიობა ჩამოაყალიბა. მეტიც, ის მთელი მსოფლიოსთვის ბედნიერების მოტანის პოტენციალს ფლობს, თუკი ამ საწყისებს დავუბრუნდებით.
მოგზაური, რომელიც ინდოეთს სტუმრობს, გაოცებულია, როცა ერთ ადგილზე ასეთ კულტურულ მრავალფეროვნებას ხვდება: ინდუისტური ფერადი სამლოცველოები, გოასა და კერალას ტაძრები, ისეთი შესანიშნავი მეჩეთები, როგორიცაა ნიუ-დელიში და ტაჯ-მაჰალის ისლამური მავზოლეუმი. მის სიცოცხლით სავსე ქუჩებში ჯაინიზმის მიმდევარ მისტიკოსებს, ქრისტიან ბერებს, ჩალ მიან, ელეგანტურ სიქჰებს და სადჰუებსაც შეხვდებით, რომლებიც ქვეყანაში პილიგრიმებად დაეხეტებიან და გარ დაცვალებისთვის ემზადებიან.
ისეთი შთაბეჭდილება იქმნება, თითქოს მთელი სამ ყარო, ყოველ შემთხვევაში, ის, რასაც სულიერება ჰქვია, აქ არის.
თუ ისტორიას გადავხედავთ, დავინახავთ, რომ სიდჰარტა გაუტამამ, რომელიც მოგვიანებით ბუდა გახდა, თავისი აღმოჩენები სწორედაც რომ ინდოეთის ჩრდილოეთით დაიწყო. ჩვენ აქ ვიხილავთ მთელი ათასწლეულით ადრე შექმნილ ვედებს, ინდური ლიტერატურის ოთხ უძველეს ტექსტს, რამაც დასაბამი მისცა ინდუიზმის ჩამოყალიბებას.
დღეს დასავლეთში პოპულარული, გაცნობიერების ბევრი ისეთი ტექნიკა, როგორიცაა იოგა და მედიტაცია, ინდოეთში იღებს სათავეს და ამათ გარდა, კარმა და წინაპართა სამკურნალო პრაქტიკა - აიურვედაც, ასევე, აქ იღებს სათავეს.
ინდოეთი მსოფლიოს მომავალია. მაიკროსოფთისა და გუგლის ამჟამინდელი აღმასრულებელი დირექტორები ამ კულტურის წარმომადგენელნი არიან, სხვა მრავალეროვნულ კომპანიებთან ერთად, სადაც მრავლად არიან ბრწყინვალე მათემატიკოსები, პროგრამისტები და ინჟინრები. რაში მდგომარეობს მათი წარმატების საიდუმლო?
ამ წიგნის ფურცლებზე ამას შევიტყობთ.
რთულია ადამიანზე შთაბეჭდილება არ მოახდინოს ულევი სიმდიდრის ისეთმა წყარომ, როგორიც ინდოეთია. ჩვენს მისიას მცირე მოცულობის, ახალი, საგანმანათლებლო წიგნის შექმნა წარმოადგენდა, რომელიც პანდემიის დამარცხების კვალდაკვალ ამჟამად არსებულ გამოწ ვევებს პასუხს გასცემს.
ნამასტეს ამბის დასაწყებად, რაც სხვა საკითხებთან ერთად ადამიანის შიგნით არსებული ღვთაებრიობისთვის მისალმებას წარმოადგენს, ამჟამინდელ სამყაროში დასმულ კითხვებზე პასუხის გაცემასაც შევეცადეთ. კითხვები, რომელსაც ჩვენ დღეს საკუთარ თავს ვუსვამთ, არის ის კითხვები, რომლებსაც ინდოელი მისტიკოსები, დღევანდელ წინამძღოლთა ჩათვლით, ბოლო ხუთი ათასი წლის განმავლობაში საკუთარ თავს უსვამენ:
როგორ შეგვიძლია გავთავისუფლდეთ ტანჯვისგან და დავიწყოთ სრულფასოვანი არსებობა?
რა საშუალებები გაგვაჩნია ჩვენს შიგნით მიძინებული მთელი შემოქმედებითი ენერგიის გამოსაღვიძებლად?
შეგვიძლია თუ არა, რომ ყოველდღიურ ცხოვრებაში კარმის კანონმა ჩვენს სასარგებლოდ იმუშაოს?
რა არის საუკეთესო ტექნიკა სტრესის, შფოთვისა და შიშისგან თავის დასაღწევად?
როგორ შეგვიძლია სხეულზე, გონებასა და სულზე ზრუნვა და სიცოცხლის დასასრულამდე სავსე ენერგიით არსებობა?
ამ და ბევრ სხვა კითხვებზე სასარგებლო და პრაქტიკული პასუხის გასაცემად, ჩვენ კაცობრიობის ბედნიერებისა და პიროვნული სრულყოფის ხელოვნების საუკეთესო მასწავლებლებს მივმართეთ.
ათასი წლის წინანდელი ბრძენთაგან ისეთ თანამედ როვე ფიგურებამდე, როგორებიც რამანა მაჰარში და ჯიდუ კრიშნამურტი არიან, ინდოეთი გვთავაზობს შთაგონების სიმდიდრეს, რომელიც შინაგანის გარღვევაში დაგ ვეხმარება, რათა მთელი ჩვენი შესაძლებლობები განვავითაროთ და სრულად რეალიზებულნი გავხდეთ.
შემდეგ გვერდებზე თქვენ დაიწყებთ მოგზაურობას ბედნიერებისკენ მიმავალი ინდური გზის აღმოსაჩენად. მის უსასრულო ბილიკებს შეუძლია შეცვალონ მეტი, ვიდრე უბრალოდ ჩვენი ცხოვრებაა. მათ ასევე შეუძლიათ შეცვალონ მომავალი.
როგორც ამ წიგნში დავინახავთ, ხვალინდელი დღე არის რიტუალების, დამოკიდებულებებისა და ქმედებების ის ნაყოფი, რომელსაც დღეს პრაქტიკულად ვახორციელებთ.
ჩვენი მიზანი საუკეთესო შესაძლო მომავლის შენებაა, თქვენთვის და იმ სამყაროსთვის ახლა დაწყებული, რომელსაც თქვენვე ქმნით.
ჰექტორ გარსია და ფრანსესკ მირალესი
ჩუქება
