გასართობ–შემეცნებითი გამოცანები (სხვადასხვა ასაკის ბავშვებისათვის)

3. მას აქვს სწორი ფეხები,

    როგორც ჩალის ღერო,

   დიდი ფრინველია და

   ეწოდება . . .  

43. ის ოქროსფრად გვიღიმის,

      თუ არ ფარავს ღრუბელი,

      დედამიწის გამთბობი,

      ვით მხურვალე ღუმელი . . .

5. გაკვეთილის დაწყებას

    გატყობინებს ზარი,

    ჰაერის მოძრაობას

    ეწოდება . . .

50. დღისით ბნელი, უმისოდ,

       იქნებოდა ბინა,

        შუქს ატარებს, ქარს არა

        დალოცვილი  . . .

6. თუ მან ერთი შეჭამა,

    მოუნდება – ორი,

    ერთობ ღორმუცელაა,

    მიტომ ჰქვია . . . 

83.ჯარის  სალაშქრო სვლაა

      ავდარში თუ დარში,

     სამუსიკო ქმნილებაც,

     ეწოდება  . . .

7. დათვს ის გაღუნული აქვს,

    ლომს კი უფრო სწორი,

    და მათ თათებს, სხვაგვარად,

    ეწოდება . . .

87. წინ გარბის თუ ჩამორჩება,

      იტყუება ფლიდის დარად,

      თუ გაჩერდა, დღეში ორჯერ

        მართალს გეტყვით შეუმცდარად . . .

32. ღამეს მუდამ დღე მოსდევს,

      შემოდგომას ზამთარი,

      ეკლესიას სხვაგვარად

     ეწოდება . . .

88. თუ სუსტია, ქარში,

      ის უმალვე ქრება,

      ძლიერი კი  ქარით

      უფრო ძლიერდება . . .

39. იყვნენ ქვეწარმავლები,

      დიდები და მძლავრები,

      ახლა აღარ არიან,

      გაწყდნენ . . .

89. თუ ცხელია გვცხელა,

თუ ცივია გვცივა,

 ხეს ფოთოლი მისგან

 უფრო მეტად ცვივა . . .

95. ცხოველს – მშრომელს, მუყაითს

      ცემა უწევს ხშირი,

      რადგან ცნობილი გახლავთ

      სიჯიუტით . . .

154. კვერნასა ჰგავს, მტაცებლობს,

თევზებით იკვებება,

ასეთს, ბეწვი ძვირფასი,

რატომაც არ ექნება?! . . .

97. მშრომელები შრომობენ,

      თოხებით და ბარებით,

      გამრჯე შრომით იღლება,

      მძინარა კი . . .

167. არის შვიდფეროვანი

ზეციური რკალი,

როცა ჩნდება, ყველას

მასზე რჩება თვალი . . .

99. მასში ბევრი გაბმულა,

      და შეცვლია სახე,

      ჩიტი, მხეცი და თაგვი

     ასეთია . . .

176. მას აქვს ყური და სმენა,

ციფრ – ასოთა დაფა,

ამბის გადასაცემად

არ გჭირდება ჯაფა . . .

107. მავნე მცენარეს ჰვია,

მუდამ ყანას ეძებდა. . .

ის რომ არ არსებობდეს,

თოხი – მოისვენებდა . . .

109. ძლიერ გემრიელია,

მოგრძოა და პატარა,

შიგნით: თხილი, ნიგოზი,

გარედან კი – თათარა . . .

114. ქოლგას ძლიერ წააგავს,

 ვერ დაგიცავს წვიმისგან,

მაგრამ საჭმელს, გემრიელს,

ამზადებენ იმისგან . . .

115.მას დედლები უყვარს და

თავის ძმები არა,

და ის იყო, ოდიდან,

გლეხის მაღვიძარა . . .

117.ითავხედე ყმაწვილო?

რითი გადაიხადო?

ის ქუდი არ გეგონოს,

მაგრამ, სჯობს მოიხადო! . .

130.ძველი სოფლები გახლავთ,

მარტყოფი და შინდისი . . .

კაცს კი ცხოველისაგან

განასხვავებს . . .

131. არის ნახევარსფერო,

როცა ის გაიშლება,

მისით, თვითმფრინავიდან,

ნახტომი შეიძლება . . .

140.ლითონის არწივია,

მასზეც უსწრაფესი,

და მგზავრებიც გადაჰყავს,

ასეთი აქვს წესი. . .