თავი 1 სიგარეტის კვამლში და არეულ მტვერში გახვეულ დიდ დარბაზში დაახლოებით 30-მდე ადამიანია შეკრებილი. უმეტესობა მამაკაცები არიან, მაგრამ მათში ასევე ქალებიც გამოერევა. ისინი უყურებენ და ოვაციებით ართობენ მათ, წინ წრეში მყოფ ორ ადამიანს, რომლებსაც მუშტიკრივი გაუმართავთ. საინტერესოა ის ფაქტი, რომ ეს არაა ის კრივი, რომელიც რაღაც წესებითაა შემოფარგლული, არა, ეს ბრძოლა წესების გარეშეა, სადაც მოწინააღმდეგეები შიშველი ხელებითა თუ ფეხებით ურტყამენ ერთმანეთს.
განწირულები რამდენიმეჯერ ჩაეხუტებიან ერთმანეთს, რათა დრო გაწელონ და ოდნავ მაინც მოისვენონ. დაღლილობის მიუხედავად ისინი მაინც ამ ბრძოლით არიან გართულნი და ამიტომაც ორივე ცდილობს, რომ მოწინააღმდეგეს არ აცადოს მოსვენება და რის გამოც კვლავ აგრძელებენ შეტევებს. ისინი ერთმანეთს უცვლიან დარტყმებს, როგორც უკვე ვახსენე ხან ხელებით, ხანაც ფეხებით.
ამასობაში, როგორც იქნა ერთმა, რომელიც მეორეზე უფრო მეტი ძალ-ღონით გამორჩევა, ისეთი უთავაზა სახეში, რომ ის უმალვე მიწაზე დაენარცხა. ყველამ აჟიოტაჟი ატეხა, უფრო იმათმა ვისაც სწორედ ამ მებრძოლის გამარჯვებაზე ჰქონდათ დადებული თანხა. მებრძოლს ახლა თავი გამარჯვებული ჰქონია, მისთვის მხოლოდ ისაა აქ ძლიერი და მხოლოდ ის ღებულობს ახლა ხალხისგან ოვაციებს. ხელებს უშლის მათ და თავის გამარჯვებას ყველას აჩვენებს. მაგრამ იმ მომენტში, როდესაც მას თავი გამარჯვებული ეგონა, დამსწრე ხალხის ღრიანცელში და ხმაურში, ვერ გაიგო ვიღაც როგორ შემოახტა მას უკნიდან, როგორ ოსტატურად შეუსრიალა მარჯვენა ხელი კისერში და ახლა მთელი იმ ძალით რაც აქვს შემორჩენილი გუდავს ამ გოლიათს. მის უკან ის მებრძოლია, რომელიც რამდენიმე წამის წინ ძირს დაახეთქა. ის გონს მოსულა და მეტოქე ზუსტად იმ დროს გამოიჭირა, როდესაც გამარჯვების ეიფორიაში იყო გართული. მან დრო იხელთა და ხელი მთელი ძალით მოუჭირა კისერზე.
როგორც უკვე ვთქვი, ის მასთან შედარებით ძალიან სუსტია, გეგონება მუშაობის და უჭმელობის გამოა ასეო, მაგრამ არც ასე მარტივადაა საქმე. ეს მისი ერთ-ერთი ძლიერი მხარეა, ის დაბალია და სუსტი, სწორედ ამიტომაც მას კარგად შეუძლია სახიფათო მომენტებში თავის დაძვრენა და სწრაფად მოძრაობა და აი შედეგიც, რამდენიმე წუთიანი ხელის მოჭერის შემდეგ როგორც იქნა ის მეტოქეც გათიშა და ორივენი პირდაპირ წინ გადაეშვნენ მიწაზე. ამ საოცარ, ხმაურიან და ადრენალინით სავსე ბრძოლაში საბოლოოდ გამარჯვებული ის სუსტი მებრძოლი აღმოჩნდა, რომლის მოგება ბევრს არ სჯეროდა. მაგრამ ყველასგან განსხვავებით იქ იყო ერთი ადამიანი, რომელსაც სწორედ ამ მებრძოლის გამარჯვებაზე არც თუ ისე პატარა თანხა ჰქონდა დადებული.
დამარცხებული, უგონო მდგომარეობაში, რინგიდან გაათრიეს და იქაური ხმაური მოულოდნელად გაქრა. ყველა გარინდულია და შესცქერიან იმ სუსტ ადამიანს, რომელმაც რაღაც სასწაულებრივად გოლიათი დაამარცხა. რინგზე დარჩენილი გამარჯვებული ბოლო ხმაზე ყვირის, ხელებს იქნევს და ელოდება ოვაციებს მაგრამ არავინ იღებს ხმას.
ამ დროს, კვამლიდან ჩნდება ერთი პიროვნება, დაახლოებით 25-30 წლის მამაკაცი, რომელსაც შავი ფერის კოსტიუმი აცვია, თავზე კი ამავე ფერის ქუდი გაუხურავს. უპირველეს ყოვლისა, რინგზე მყოფ გამარჯვებულს მიუახლოვდა და რამდენჯერმე ტაში შემოკრა, ამის შემდგომ იმ პიროვნებისკენ დაიწყო მოძრაობა, რომელიც ამ ბრძოლისთვის დადებულ ფსონებს ღებულობდა. ყველამ მოძრავ სილუეტს გააყოლეს თვალი, რადგან იციან ვინც არის. ის სკოტლენდ-იარდის ერთ-ერთი ახალგაზრდა და გამორჩეული ინსპექტორია, ის ლონდონში ჰენრი ნაითის სახელითაა ცნობილი.
ჰენრი თანდათან უახლოვდება ფსონების მიმღებს და მასთან ახლოს მისულს უღიმის ისე, რომ ცალ წარბს ზემოთ წევს.
- რა იცოდი რომ ეს მოიგებდა? -იკითხა ცივად ფსონის მიმღებმა და თავი გამარჯვებულისკენ გაუქნია.
- უბრალოდ გამოვიცანი, თანაც არც თუ ისე რთულია ამის მიხვედრა. -გაუღიმა კვლავ ჰენრიმ.
- იმედია აქ მხოლოდ დადებული ფსონის და მოგებული ფულის წასაღებად ხარ მოსული და არ დაგვიჭერ.
- არა რას მკადრებთ, თანაც ეგ როგორ ვქნა? ამ აუღებელ ციხე კოშკს, რომელშიც თქვენ ხართ, მარტო ხომ ვერ ავიღებ?
- აბა მე რა ვიცი ჰენრი. -მიუგო ფულის ამკრებმა.
- სწორი ხარ, არ იცი, ამიტომაც გარეთ სკოტლენდ-იარდის ყველა ინსპექტორი და კონსტებლი მელოდება. -სახე მომენტალურად დაუსერიოზულდა და იქ მყოფებიც ამის დანახვისას დაფრთხნენ. გარეთ გაქცევას აპირებდნენ მაგრამ ამის გაგონების შემდეგ ადგილზე გაშეშდნენ, რადგან აზრი აღარ ააქვს იქ გასვლას, იქ ხომ ჰენრის თქმით უკვე პოლიციაა შეკრებილი. ჰენრი რამდენიმე წუთი სერიოზული სახით ჩააცივდა მის წინ მდგომს, ბოლოს კი სიცილი წასკდა და ხელი მხარზე მოუსვა. -დამშვიდდი... გეხუმრე, ეს უბრალო ხუმრობა იყო.
- ესაა მოგებული, გილოცავ. -ცივად და სწრაფად გადაცა თანხა. -ჰენრი ხომ იცი ჩემს უფროს არ
ჩუქება
