წინასიტყვაობა რობინ ჰობი ეპიკური ფენტეზის ჟანრის მსოფლიოში აღიარებული მწერალი ქალია. ჰობი 1952 წელს კალიფორნიაში დაიბადა და ალასკაზე გაიზარდა, სადაც ისწავლა მგლის ლეკვის აღზრდა, ფურირმის გატყავება და ველურ ბუნებაში თავის გატანა. როცა მოგვიანებით ცოლად მეთევზეს გაჰყვა, რომელიც წელიწადში ექვს თვეს ქაშაყსა და კოდიაკის ორაგულზე თევზაობაში ატარებდა, მთელი ეს ცოდნა გამოადგა. ჰობი ზრუნავდა ოჯახზე, უვლიდა კარმიდამოს, შორეულ თემებში ფოსტას არიგებდა და ამავე დროს მოთხრობებსა და ნოველებს წერდა. მან ყველა მიმართულებით მიაღწია წარმატებას – აღზარდა ოთხი შვილი და გახდა მსოფლიოში ცნობილი მწერალი. რობინ ჰობი ახლა ვაშინგტონის შტატის ქალაქ ტაკომაში ცხოვრობს.