***
წინა ისტორიისა და სოციალურ მეცნიერებათა ინსტიტუტი
2098 წლის 7 მაისი
თემა: აღმოჩენა
ახალშემოსული დოკუმენტების ინტენსიურმა განხილვამ შეიძლება ერთი ნაბიჯით წინ წაგვწია. დაბეჯითებით ვუწევთ რეკომენდაციას დოკუმენტის 8301.2025 უფრო გულდასმით გამოკვლევას. საქმე ეხება დოსიეს, რომელიც იმ დროიდან მომდინარეობს, როცა ყველაფერი დაიწყო, და რომელსაც შეუძლია აქამდე ჩატარებულ კვლევებში რევოლუციური გარდატეხა შეიტანოს. დოსიე მოიცავს დაკითხვების ოქმებს, რომლებსაც 2025 წლის სექტემბერში კომისარი, სახელად ფელიქს ლომბარდი, აწარმოებს ქალთან, სახელად ვერა სავაკისთან. გარდა ამისა, დოსიე შეიცავს წიგნაკს დღიურის ჩანაწერებით, რომელიც ეკუთვნის ქალს, სახელად შივა ჰირცს. ჩანაწერები 2025-2028 წლებშია გაკეთებული. თუ დოსიე ნამდვილია, და ჯერჯერობით ყველაფერი ამაზე მეტყველებს, ვფიქრობთ, რომ შეიძლება სწორედ ის აღმოჩნდეს გასაღები საწყისების გასაგებად, რომელსაც დიდი ხანია ვეძებთ. ის შეიძლება დაგვეხმაროს, მოგვიანებით განვითარებული მოვლენები და ჩვენი დღევანდელი რეალობა სრულიად ახალ, აქამდე გაუთვალისწინებელი მოვლენების კონტექსტში დავინახოთ. თუმცა ბევრი რამ ისევ გაურკვეველი რჩება. თავსატეხების რიცხვი არ შემცირებულა. ყველაფერი ციურიხში დაიწყო? თქვენ როგორ ფიქრობთ?
სიხარულით გელით კონფერენციაზე ორშაბათს!
ჩუქება
