წინასიტყვაობა წინასიტყვაობა წინამდებარე სახელმძღვანელო კლასის მართვასთან დაკავშირებული საკითხის მრავალმხრივი განხილვის მიზნით შეიქმნა. კლასის მართვას გარკვეული დრო და ძალისხმევა სჭირდება, შედეგის მისაღწევად დროა საჭირო. ცნობილია, რომ კლასის მართვის კარგი სტრატეგიული გეგმა, სწავლა სწავლებისთვის მეტ დროს დაგიტოვებთ, ხოლო თქვენს მოსწავლეებს მეცადინეობისათვის ეფექტურ გარემოს შეუქმნის.
ალბათ გსმენიათ, კარგ მასწავლებლად ჩამოყალიბების მარტივი რეცეპტები: „ შობამდე არ გაიცინოთ “ , ან „ ყველა მოსწავლეს ერთნაირად მოექეცით “ , ან კიდევ „ კარგად მოემზადეთ თქვენს საგანში, დანარჩენი კი თავისით დალაგდება “ . ამ აფორიზმების პრობლემა ის არის, რომ რთული ამოცანების ადვილად გადაწყვეტას გვთავაზობენ, ხოლო მათი ზედმეტად გამარტივება ქმნის იმის მოლოდინს, რომ ბავშვებით ან მოზარდებით სავსე კლასის მართვა კეთილი განზრახვებით, მოსწავლეთა ქცევის მართვის თაობაზე დიდი განსჯის გარეშეა შესაძლებელი. არადა აუცილებელია გაკვეთილის კარგი ორგანიზება, საკლასო ოთახის სივრცის გამოყენება, მოსწავლეთა ქცევის მართვა, სასწავლო აქტივობების მართვა. თუ ამას ვერ ახერხებ იმას ნიშნავს, რომ თქვენი პედაგოგიური საქმიანობა საფრთხის ქვეშაა.
წიგნს საფუძველად უდევს ავტორების მიერ ათწლეულების განმავლობაში ჩატარებული კვლევები. კვლევის პროცესში, კლასის ეფექტური მართვის უნარების, მიდგომების და სტრატეგიის გაცნობის მიზნით, ასეულობით სხვადასხვა სკოლის შესწავლა მოგვიხდა. ჩვენ კლასის მართვის საკითხების მეცნიერული კვლევებიდან და ნაშრომებიდან ვიხელმძღვანელეთ. კლასის მართვის კარგი, მეცნიერულად შეჯამებული მონაცემები მოცემულია წიგნში: კლასის მართვის სახელმძღვანელო: კვლევა, პრაქტიკა და მიმდინარე საკითხები „ (Evertson & Weinstein, 2006).. ნაშრომი „ დაწყებითი სწავლების მასწავლებელთათვის/ კლასის/ მართვა (და მისი პარტნიორი „ კლასის მართვა საშუალო და დამამთავრებელი კლასების მასწავლებელთათვის “ ) ჩვენ ვფიქრობთ, რომ კვლევისა და საკითხის მეცნიერული ანალიზის შემცველი სახელმძღვანელო მასწავლებელთათვის სასარგებლო მეგზური იქნება და დიდ სარგებლობას მოუტანსს პრაქტიკაში.
წანამდებარე გამოცემის სიახლე
წანამდებარე გამოცემა რამოდენიმე ცვლილებასა და დამატებას შეიცავს:
განახლებული შესავალი თავი კლასის მართვის თემის მონახაზს წარმოადგენს.
ახალია კონკრეტული მაგალითები, რომელიც სხვადასხვა თავშია განხილული და მისი პასუხები დისკუსიების სტიმულირებასა და ცოდნის გაღრმავებას შეუწყობს ხელს.
თითოეულ თავში წარმოდგენილია საკითხის კონცეფცია. თავებს მოკლე შინაარი აქვს დამატებული.
ასევე ახალი და განახლებული დამატებითი ლიტერატურა, მოსწავლეების იდეე ბის გადამუშავებაში და მათი ცოდნის გაფართოებაში დაეხმარება.
კლასის მართვაზე ტექნოლოგიის მრავალფეროვან გავლენას (მაგალითად, კომუ ნიკაციისათვის ტექნოლოგიის სულ უფრო ფართო გამოყენება და ა.შ.) მზარდი ყურადღება ექცევა.
მოკლედ არის წარმოდგენილი, ჩარევაზე რეაგირების (response to intervention - RTI) და პოზიტიური ქცევის ჩარევის და მხარდაჭერის (positive behavioral interventions and supports - PBIS) მეთოდიკები.
კვლევისა და კლასგარეშე კითხვის მასალები განახლებულია და არსებულ მასა ლებს დაემატა.
მკითხველებს განხილულ მაგალითებთან მიმართებაში შესაძლებლობა მიეცათ ეაგირება მოახდინონ და ინტერაქტიურ დიალოგში შევიდნენ.
დანართი გაზრდილია და მოიცვს აქტივობის პოტენციური პასუხებს 1 თავიდან 11 თავამდე.
მადლიერება
ჩვენ ვანდერბილტის უნივერსიტეტის პიბოდი კოლეჯის ფილოსოფიის დოქტორის, ინგე რ. პულის მისამართით, მისი სიღრმისეული წინადადებებისა და საკლასო ოთახის მაგალითებისათვის მადლიერებასა და მაღალ შეფასებას გამოვხატავთ; ანდრეა ფლაუერს, ქალაქ ოსტინში ტეხასის უნივერსიტეტის ფილოსოფიის დოქტორს, სპეციფიური ჯგუფების მართვის საკითხებზე მისი მოსაზრებებისა და კომენტარებისათვის მადლობას ვუხდით; ასევე მერი კლერ ჯერველსის, ქალაქ ოსტინში ტეხასის უნივერსიტეტის ფილოსოფიის დოქტორის, საკლასო ოთახში თანამედროვე ტექნოლოგიის გამოყენების საკითხში მისი მრავალი სასარგებლო წინადადებისათვის მადლიერები ვართ.
ჩვენ ასევე ჩვენი ხელნაწერების რეცენზენტებს: ტერელ ბრაუნს, ცენტრალური მისურის უნივერსიტეტი; იუდიტ მ. გრირის, დირბორნში მიჩიგანის უნივერსიტეტი; ჯინ როტ ჰოკს, ბრიჯუოტერის კოლეჯი; კეტლინ მორის კორცს, სუნი, პოტსდამი; და ელეონორ უილსონს, ვირჯინიის უნივერსიტეტი, დიდ მადლობას ვუხდით.
ჩუქება
