დაკარგული ბიჭი და სხვა მოთხრობები

თომას ვულფი ფართო საზოგადოებისთვის ცნობილია, როგორც რომანისტი, ავტორი საქვეყნოდ ცნობილი წიგნებისა – „სახლს მოხედე, ანგელოზო“, „დროისა და მდინარის ამბავი“, „კლდე და აბლაბუდა“, „შინ ვეღარ დაბრუნდები“. მის შემოქმედებას სხვადასხვა დროს მაღალი შეფასება მისცეს სახელგანთქმულმა მწერლებმა – უილიამ ფოლკნერმა, ჯეკ კერუაკმა, რეი ბრედბერიმ და ფილიპ როტმა. ათეული წლების წინათ ითარგმნა ქართულად თომას ვულფის შედევრი – „დაკარგული ბიჭი“, რომელსაც რამდენიმე მოთხრობა მოჰყვა ლიტერატურულ პერიოდიკაში. კრებულში შესულ თხზულებათა უმეტესობა კი საგანგებოდ ამ გამოცემისთვისაა თარგმნილი. წიგნში შესულია ციალა თოფურიძის, მედეა ზაალიშვილის, თამაზ ოქრუაშვილის, ლაშა გიორგაძის, ნინო დოლიძის, მაია ცერცვაძის, გია ბერაძისა და ანი კოპალიანის მიერ თარგმნილი თომას ვულფის მოთხრობები და ნოველები. წიგნს ერთვის მწერლის ესეი „მონოლოგი მარტოსულისა“, რომელიც პაატა და როსტომ ჩხეიძეებმა თარგმნეს.