ღმერთების შემოსევა

დავით ფილო

2026 წელი | დავით ფილო

სათავგადასავლო

16 ნახვა

(0 რეცენზია /1 შეფასება)

მსურს წავიკითხო

ჩემი რჩეული

ყიდვა

ჩუქება

ანოტაცია

წიგნი მოგვითხრობს ახალგაზრდა მონადირეზე, რომლის სიცოცხლეც თითქოს პროგნოზირებადი იყო. როგორც მანამდე ყველა მისნაირი, ისიც იმუშავებდა ღრმა სიბერემდე როგორც მონადირე. დაოჯახდებოდა, იყოლიებდა შვილებს, იმდენს რამდენსაც მას ღმერთი მისცემდა. შემდეგ აღესრულებოდა ისევე როგორც მისი წინაპრები თუ თანატომელები. მაგრამ ერთ მომენტში მისი ცხოვრება დიამეტრალურად იცვლება. ეს რიგითი ბრინჯაოს ხანის მონადირე აღმოჩნდება გალაქტიკური მასშტაბის დრამაში ჩართული. მას დააწვება კისერზე არა მარტო თავისი ოჯახის, არამედ მთელი თავისი თემის ბედიც.

ვრცლად

რეკომენდებული ელ. წიგნები

დაწვრილებით ელ. წიგნის შესახებ

ელ. წიგნის მახასიათებლები

სათაური:

ღმერთების შემოსევა

ავტორი:

დავით ფილო

გამომცემელი:

დავით ფილო

გამოცემის თარიღი:

2026

გვერდები:

251

კატეგორია:

სათავგადასავლო

ნახვები:

რეიტინგი:

მკითხველთა რეცენზია

საშუალო შეფასება

(1) რეცენზია

რეიტინგის განაწილება

5

[1]
4

[0]
3

[0]
2

[0]
1

[0]

წიგნის შესახებ

ღმერთების შემოსევა

დავით ფილო

16 ნახვა

წასაკითხი

რჩეული

2 ლარი

ყიდვა

სარჩევი

ყდა
წიგნი პირველი. შესავალი 01
ჩემი თემი 02
ბაზრის დღე 03
ექსპედიცია 04
სახლში 05
პაპის ნაამბობი 06
დიდი თიბოს ბავშვობა 07
კურთხევა. 08
გზა 09
კურდღლის გორა 10
დათვის კლდე 11
თიბოს ხელნაწერი 12 - დასაწყისი
პირველი ეტაპი 13
მეორე ეტაპი 14
გეაპოლისი 15
მესამე ეტაპი 16
მეოთხე ეტაპი 17 - ეპიდემია
მეხუთე ეტაპი 18
გზა იმედისკენ 19
თავშესაფარი 20
დეზერტირი 21
თათბირი 22
გზა დედასოფლისკენ 23
მომავლის გეგმა 24
ქორწილისთვის მზადება 25
ქორწილი 26
მოსავლის ზეიმი 27
ღვარცოფი 28
მაშველი 29
ევაკუაცია 30
შეთქმულები 31
გამგზავრება 32

წიგნი პირველი. შესავალი 01

უცნაური სიმშვიდის შეგრძნება დამეუფლა მას შემდეგ რაც დედაპლანეტაზე ჩამოვედით. არ ვიცი აქაური გარემო მოქმედებს ასე, საკვებსა თუ სასმელში გვირევენ რამეს. მაგრამ ფაქტია შეგრძნება მაქვს თითქოს ყველა პრობლემა და წუხილი სადღაც გაქრა. არ იფიქროთ რომ რამე დამავიწყდა წარსულიდან. არა პირიქით. უკეთესადაც მახსოვს ბევრი რამე. მით უმეტეს დიდი თიბოს განყოფილების მოგონებები, თუ კი მანამდე ცოტა რთული წვდომა მქონდა. ამ დედაპლანეტაზე მოხვედრის შემდეგ რატომღაც საკუთარი მოგონებებივით ვიხსენებ.
პლანეტის ატმოსფერო ჩემი ფიზიოლოგიისთვის არც ისე მისაღებია, თუ კი სასტუმროში ხელვნურად ინარჩუნებენ ჩემთვის მისაღებ ატმოსფეროს, გარეთ გასვლის წინ აუცილებლად ენერგეტიკული სკაფანდრი უნდა მივიმაგრო ქამარზე. უკვე თვეა რაც აქ ვარ. მე ხომ დიდი, ეპოქალურ სასამართლო პროცესზე მომიწვიეს როგორც მოწმე. მე არა მარტო საკუთარი ცხოვრების განმავლობაში განვლილი ამბები უნდა მოვყვე ბრალდების სასარგებლოდ, არამედ ჩემი დიდი პაპის, დიდი თიბოს მაგივრადაც უნდა ვილაპრაკო. სიმართლე ვთქვათ სწორედ ისაა ნამდვილი მოწმე და არა მე. სწორედ მან გამოიარა ის საშინელებები რაც გალაქტიკურმა კორპორაციამ მოაწყო ჩვენს პლანეტაზე. თუმცა ამაზე ცოტა მოგვიანებით უფრო დალაგებულად მოგიყვებით.
დედა პლანეტა პირველი რგოლის ცენტრალური ვარსკვლავური დაჯგუფების ერთ-ერთი პლანეტაა. რომელიც მთელი გალაქტიკის პოლიტიკური თუ ეკონომიკური ცენტრის მოვალეობასაც ასრულებს. წარმოიდგინეთ რომ მთელი პლანეტა, რომელიც ჩემს დჰარაზე დაახლოებით 2 ჯერ დიდია, ერთ დიდ დასახლებულ პუნქტს წარმოადგენს, რომელიც სრულ ჰარმონიაშია ადგილობრივ ბუნებასთან. პლანეტაზე საკამოდ სტაბილური კლიმატია, როგორც მომიყვნენ მას არ აქვს წლის სეზონები. მუდმივად ერთნაირი ტემპერატურაა. თანაც ადგილობრივმა მოსახლეობამ უკვე ასობით ათასი წელია რაც შეწყვიტა მოპოვებითი სამუშაოები და ბუნებასთან ბრძოლა. აქ ბუნებასთან ჰარმონიაში ყოფნა ცხოვრების კანონია. მოკლედ რომ აღგიწეროთ, სწორედ ის სამოთხეა როგორზეც გვიყვებოდნენ ჩვენი სოფლის ბერები თუ ქურუმები. სადაც წესით სიკვდილის მერე უნდა მოვხვედრილიყავით.
უნდა აღვნიშნო რომ ჩემთვის თავიდან საკმაოდ ძნელი შესაგუებელი აღმოჩნდა ამ პლანეტის მოსახლეობის სიჭრელე. იმიტომ რომ ყველა რასის წარმომადგენელი ცხოვრობს აქ, რაც კი ამ გალაქტიკური ფედერაციის შემადგელობაში შედის. ისეთი არსებები ვნახე ჩამოსვლის დღეს კოსმოპორტში, წარმოდგენაც რომ არ მქონდა მათი არსებობის შესახებ.
ჩვენი პლანეტიდან რამდენიმე წარმომადგენელი ვართ ჩამოსული. ერთ დროს მტრული ბანაკის წარმომადგენლები, დღეს გვერდიგვერდ ვზივართ სასამართლოს დარბაზში და მორჩილად ველოდებით როდის გამოგვიძახებენ ჩვენებების მისაცემად. მანამდე კი სინქრონული თარგმანის მეშვეობით ვუსმენთ სხვა მოწმეებს, რომლებიც ყვებიან იმ საშინელებებზე რაც ამ კორპორაციამ ჩაიდინა მათ სამყაროებში. თავისუფალ დროს ქალაქის მახლობელ სექტორში დავსეირნობ ხოლმე. დასასვენებლად ერთ მცირე ტბორიან ბაღში ვჯდები სკამზე და ვცდილობ განვიმუხტო. ირგვლივ ენით აღუწერელი სილამაზეა. თუნდაც ბალახი ავიღოთ, ის ღია ლურჯი ფერისაა. ამ დროს თავად ცა კი მოვარდისფროა. წინ ველია სადაც მრავალფერი ყვავილია, რომლის ბოლოს მოიისფრო ფოთლიანი ტყეა. სასამართლოდან გამოყოლილი წუხილი და შფოთის შეგრძნება უკვალოდ ქრება როგორც კი ამ გარემოში ვხვდები. მიუხედავად ენერგეტიკული სკაფანდრისა, რომელიც გარემო ატმოსფეროს ჩემთვის სასარგებლო ჰაერად ფილტრავს. მაინც ხვდება ჩემს ჰაერში ირგვლივ არსებული მცენარეული საფარის მათრობელა სურნელი.
ხვალ დიდი დღეა. ჩვენს პლანეტაზე იქნება განხილვები და რომელიღაც მოწმეს გამოიძახებენ. საინტერესოა ვინ იქნება პირველი, მე თუ ჩემი მეზობელი გუმი კაციჭამიების ტომიდან? თუმცა დანამდვილებით არ არის გუმი კაციჭამია. მაგრამ რას ვიზავთ, ხომ გაგიგიათ უბრალოდ ჩვევა სჯულზე უმტკიცესიაო, რა ვქნა როცა ბავშვობიდან მაგ დასახლების წარმომადგენელს ჩვენ კაციჭამიად მოვიხსენიებდით? ჩვენ ყველანი მწვანე ფერის წარმომადგენლები ვართ. ანუ ყველა ჩვენთაგანს აქვს დანამატი მეხსიერება წინამორბედი მწვანე ლიდერისგან. ის ხალხი რომელიც არ მიცნობთ, არც ის იცით რა ხდება სინამდვილეში, ამის წაკთხვის შემდეგ აუცილებლად შეკთხვები გაგიჩნდებათ. რა კორპორაცია, რა სასამართლო და საერთოდ ვინ ვარ მე. ამიტომაც მოდით ჯერ ჩემზე და ჩემს თემზე მოგიყვებით, თან იმ პერიოდიდან სანამ ჯერ კიდევ ეს ყველაფერი დაიწყებოდა.